વાંકાનેરની વોરાવાડમાં રહેતા યુવાનને વ્યાજખોરોએ માર મારતા કર્યો આપઘાતનો પ્રયાસ
Morbi Today
મોરબીના મમુદાઢીની હત્યા કેસમાં આરોપી રફીકભાઇ રજાકભાઇ માંડવીયાની ધરપકડ
SHARE
JOIN OUR GROUP
મોરબીના મમુદાઢીની હત્યા કેસમાં આરોપી રફીકભાઇ રજાકભાઇ માંડવીયાની ધરપકડ
મોરબીના ભક્તિનગર સર્કલ પાસે મમુદાઢીની કાર ઉપર ફાયરીંગ કરીને તેની હત્યા કરવામાં આવી હતી અને આ ગુનામાં ૧૩ શખ્સોની સામે ફરિયાદ નોંધાઈ હતી જેના આધારે પોલીસે અગાઉ ચાર આરોપીઓની ધરપકડ કરી હતી અને રિમાન્ડ મેળવ્યા હતા જેના રિમાન્ડ પૂરા થતાં આજે તે આરોપીઓને વધુ રિમાન્ડની માંગણી સાથે ફરી કોર્ટમાં રજૂ કરવામાં આવશે અને આ ગુનામાં એ ડિવિઝન પોલીસે આરોપી રફીક માંડવિયાની ધરપકડ કરેલ છે અને તેના રિમાન્ડ લેવા માટે પોલીસે તજવીજ શરૂ કરી છે અને બાકીના આરોપીઓને પકડવા માટે જુદીજુદી દિશામાં તપાસ કરવામાં આવી રહી છે
મોરબીના ભક્તિનગર સર્કલ પાસે કાર ઉપર અંધાધુધ ફાયરીંગ કરીને હનીફભાઇ ઉર્ફે મમુદાઢી ગુલામભાઈ કાસમાણીની થોડા દિવસો પહેલા હત્યા કરવામાં આવી હતી આ બનાવમાં મૃતક હનીફભાઇ ઉર્ફે મમુદાઢીના દીકરા મકબુલ મહમદ હનીફ કાસમાણી (૨૫) એ રફીકભાઇ રજાકભાઇ માંડવીયા, ઇમરાન ઉર્ફ બોટલ હનીફભાઇ ચાનીયા, આરીફ ગુલામભાઇ મીર, ઇસ્માઇલભાઇ યારમામદ બ્લોચ, રીયાઝભાઇ રજાકભાઇ ડોસાણી, ઇરફાનભાઇ યારમામદ બ્લોચ, રમીજભાઇ હુસેનભાઇ ચાનીયા, મકસુદ ગફુરભાઇ સમા, એઝાજ આમદભાઇ ચાનીયા અને બીજા ચારેક અજાણ્યા શખ્સો આમ કુલ મળીને ૧૩ શખ્સોની સામે તેના પિતાની હત્યા કરી હોવાની ફરિયાદ નોંધાવી હતી જેના આધારે પોલીસે અગાઉ ચાર આરોપી ઇસ્માઇલભાઈ યારમામદ બ્લોચ, ઇમરાનભાઈ યારમામદ બ્લોચ, રિયાઝ રજાક દોસાણી, એઝાઝ આમદ ચાનીયાની ધરપકડ કરીને રિમાન્ડ મેળવ્યા હતા જે રિમાન્ડ આજે પૂરા થતાં હોય આરોપીને વધુ રિમાન્ડની માગણી સાથે આજે ફરી કોર્ટમાં રજૂ કરવામાં આવશે અને આજે વધુમાં પોલીસે હત્યાના આ ગુનામાં મુખ્ય સૂત્રધાર ગણાતા આરોપી રફીકભાઇ રજાકભાઇ માંડવીયા (ઉમર ૫૭) હાલ રહે.ટંકારા મેમણ શેરી મૂળ રહે.કુબેરનાથ રોડ બારશાખ રજપૂત શેરી મોરબીની ધરપકડ કરેલ છે અને તેના રિમાન્ડ લેવા માટે આજે તેને પણ કોર્ટમાં રજૂ કરવામાં આવશે અને બાકીના આરોપીઓને પકડવા માટે જુદીજુદી દિશામાં પોલીસની ટીમો કામ કરી રહી છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
