મોરબી નજીકથી ટાવરના વંડામાંથી બે લાખની કિંમતના જનરેટરની ચોરી કરનાર ત્રિપુટી પકડાઈ
SHARE
JOIN OUR GROUP
મોરબી નજીકથી ટાવરના વંડામાંથી બે લાખની કિંમતના જનરેટરની ચોરી કરનાર ત્રિપુટી પકડાઈ
મોરબીના લીલાપર કેનાલ રોડ ઉપર બોરીયાપાટી પાસે ઈન્ડેઝના ટાવર પાસેથી કિલોસ્કાર કંપનીના ૧૫ કેવિના જનરેટરની ચોરી કરવામાં આવી હતી જેથી કરીને બે લાખ રૂપિયાની કિંમતના જનરેટરની ચોરી થઈ હોવા અંગેની મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે પોલીસે ચોરીના આ ગુનામાં હાલમાં ત્રણ આરોપીને પકડીને તેની પાસેથી જનરેટર કબજે કરેલ છે અને આરોપીઓના રિમાન્ડ લેવા માટે તજવીજ શરૂ કરી છે
હળવદ તાલુકાના ઘનશ્યામપુર ગામે રહેતા અશોકભાઈ પાલજીભાઈ રાઠોડ (૩૭) એ મોરબી સીટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ હતી કે ગત તા. ૧૯/૧૨ ના રાત્રીના ૧૧:૦૦ વાગ્યાથી લઈને તા. ૨૪/૧૨ ના બપોરના ૩:૩૦ વાગ્યા સુધીના સમયગાળા દરમિયાન કોઈપણ સમયે મોરબીના લીલાપર કેનાલ રોડ ઉપર બોરીયાપાટી પાસે ઇન્ડેઝના ટાવરના વંડામાં દિવાલનો દરવાજો ખોલીને અંદર પ્રવેશ કરીને ટાવર પાસે રાખવામાં આવેલ કિલોસ્કર કંપનીનું ૧૫ કેવીનું જનરેટર જેની કિંમત બે લાખ રૂપિયાના મુદ્દામાલની કોઈ અજાણ્યા શખ્સ દ્વારા ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરેલ હતી અને એ ડિવિઝનના અંબાપ્રતાપસિંહ જાડેજા, ચકુભાઇ કરોતરા તથા હિતેષભાઇ ચાવડાને ખાનગી રાહે બાતમી મળેલ હતી કે, જનરેટર ચોરીમાં ટાવર કંપનીમા ફરજ બજાવતો ટેકનીશીયન મહેશભાઇ કનુભાઇ વ્યાસ રહે. ઉમીયા રેસીડેન્સી દલવાડી સર્કલ પાસે મોરબી વાળો હોવાનું સામે આવ્યું હતું જેથી તેની પુછપરછ કરતા તેને ચોરીની કબુલાત આપી હતી
ઇન્ડેઝ ટાવર પ્રા.લી.માથી ચોરી કરેલ જનરેટર આરોપી તૌફીકભાઈ યાકુબભાઈ સોલંકી રહે. મોટી ટાંકી ચોક સદર બજાર રાજકોટ તથા મકસુદભાઈ અહેમદભાઈ મોહેલ રહે. મોટી ટાંકી ચોક સદર બજાર રાજકોટ વાળાઓને વેચાણથી આપ્યું હોવાની કબૂલાત આપી હતી જેથી કરીને પોલીસે ચોરીમા ગયેલ જનરેટર કબ્જે કરીને જનરેટર લેવા આવેલ બંને ઇસમો મળી ટાવરના ટેકનીશીયન સહીત ત્રણેયની ધરપકડ કરેલ છે હાલમાં પોલીસે મહેશભાઇ કનુભા વ્યાસ, તૌફીકભાઈ યાકુબભાઈ સોલંકી અને મકસુદભાઈ અહેમદભાઈ મોહેલનીને પકડીને તેના રિમાન્ડ લેવા માટે તજવીજ શરૂ કરેલ છે
