મોરબીમાં પાડા પુલ ઉપરથી નદીમાં પડી જતા મહિલાને રાજકોટ ખસેડાઇ
Morbi Today
વાંકાનેર બાઉન્ડ્રીના ઓવરબ્રિજ ઉપર વળાંક ન વળતાં બાઈક રેલિંગ સાથે અથડાયું: એકનું મોત, બેને ઇજા
SHARE
JOIN OUR GROUP
વાંકાનેર બાઉન્ડ્રીના ઓવરબ્રિજ ઉપર વળાંક ન વળતાં બાઈક રેલિંગ સાથે અથડાયું: એકનું મોત, બેને ઇજા
વાંકાનેર બાઉન્ડ્રી પાસે ઓવરબ્રિજ ઉપર વળાંક ન વાળી શકતા ત્રીપલ સવારી જઈ રહેલ બાઈક રેલિંગ સાથે અથડાયું હતું જેથી કરીને બાઈક ચાલકનું મોત નીપજયું હતું અને તેની સાથે બાઈકમાં બેઠેલ મહિલા સહિતના બે વ્યક્તિઓને ઈજા તથા તેને સારવારમાં ખસેડવામાં આવ્યા હતા હાલમાં અકસ્માતના આ બનાવમાં ઈજા પામેલ વ્યક્તિએ મૃતકની સામે ફરિયાદ નોંધાવતા પોલીસે ગુનો નોંધીને રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ રાજકોટના રૈયાધાર મફતિયાપરામાં રહેતા ભરતભાઈ નાનજીભાઈ દેત્રોજા જાતે કોળી (૧૯) એ હાલમાં મૃતક સુરેશભાઈ મગનભાઈ મકવાણા જાતે કોળી (૪૫) રહે. ચુનારાવાડ રાજકોટ વાળાની સામે ફરિયાદ નોંધાવેલ છે જેમાં તેણે જણાવ્યું છે કે વાંકાનેર બાઉન્ડ્રીએ ઓવરબ્રિજ ઉપરથી સુરેશભાઈના બાઈક નં- જીજે ૩ એફએલ ૮૫૨૧ માં ફરિયાદી ભરતભાઈ તથા નીલમબેન આમ ત્રણ વ્યક્તિઓ જઈ રહ્યા હતા ત્યારે ઓવરબ્રિજ ઉપર વળાંકમાં બાઈક વાળી નહીં શકતા બાઈક સીધું રેલિંગ સાથે અથડાયું હતું જેથી બાઈક ચાલક સુરેશભાઈ મકવાણાને ગંભીર ઈજા થઈ હોવાથી તેનું મોત નીપજ્યું હતું અને તેની સાથે બાઈક ઉપર બેઠેલ ફરિયાદી ભરતભાઈ અને નીલમબેનને હાથે પગે ઇજાઓ થઈ હોવાથી તેને સારવારમાં ખસેડવામાં આવ્યા હતા સારવાર લીધા બાદ ભરતભાઈ દેત્રોજાએ ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે
