મોરબીથી અંબાજીની પદયાત્રાનો સંઘ મંગળવારે રવાના થશે

મોરબીથી અંબાજી સુધીની પદયાત્રા આગામી મંગળવારે મોરબીથી રવાના થવાની છે અને ૩૪૫ કિલોમીટરની પદયાત્રા કરીને શ્રી અંબિકા પદયાત્રા સંઘના સભ્યો અંબાના દરબારમાં પહોંચશે

દરવર્ષે મોરબીથી અંબાજી સુધીની પદયાત્રાનું આયોજન દર વર્ષે કરવામાં આવે છે તેવી જ રીતે આ વેશે પણ પદયાત્રાનું આયોજન કરવામાં આવ્યું છે અને ભાદરવી પુનમની આસપાસમાં આ સંઘ અંબાજી મંદિરે પહોચે તેનું આયોજન કરાયું છે અત્રે ઉલેખનીય છે કે, ૧૯૯૯થી શ્રી અંબિકા પદયાત્રા સંઘ મોરબીથી અંબાજી આશરે ૩૪૫ કિલોમીટરની પદયાત્રા યોજી અંબાજી પહોચે છે આ વર્ષે પદયાત્રામાં ઘણા શ્રદ્ધાળુઓ જોડાશે અને આગામી મંગળવારને તા. ૩૦ ના રોજ સવારે ૧૧: ૩૦ વાગ્યે પ્રસાદ લીધા બાદ બપોરે ૧૨: ૧૫ વાગ્યે પદયાત્રા સંઘ અંબાજી જવા માટે આલાપ રોડ ઉપર આવેલ સ્કાય ટાવર પાસેથીરવાના થશે જેથી કરીને અંબિકા પદયાત્રા સંઘના સંઘપતિ સુરેશભાઈ મોહનભાઈ નાગપરા અને કૈલાશભાઈ નાગપરાએ મોરબીના લોકોને બાવના ગજની ધજા લઈને મોરબીથી શોભાયાત્રા રવાના થાય ત્યારે દર્શનનો લાભ લેવા માટે અનુરોધ કર્યો છે