ટંકારાના જયનગર નજીકથી ૧૧ બોટલ દારૂ ભરેલી કાર સાથે બે શખ્સની અટકાયત
Morbi Today
વાંકાનેરના શક્તિપરામાં યુવાને ઘરે ગળાફાંસો ખાઈને કર્યો આપઘાત
SHARE
JOIN OUR GROUP
વાંકાનેરના શક્તિપરામાં યુવાને ઘરે ગળાફાંસો ખાઈને કર્યો આપઘાત
વાંકાનેરના શક્તિપરા વિસ્તારમાં રહેતા યુવાને પોતાના ઘરની અંદર કોઈ કારણોસર ગળાફાંસો ખાઈને આપઘાત કરી લીધો હતો જેની પોલીસને જાણ કરતાં પોલીસ સ્થળ ઉપર આવી હતી અને ત્યારબાદ મૃતદેહને પીએમ માટે વાંકાનેરની સિવિલ હોસ્પિટલ ખાતે લઇ ગયા હતા અને વાંકાનેર સિટી પોલીસ દ્વારા બનાવની નોંધ કરી આગળની કાર્યવાહી હાથ ધરી હતી.
જાણવા મળતી વિગત પ્રમાણે વાંકાનેર તાલુકાના શક્તિપરા હસનપરમાં રહેતા પ્રવીણભાઈ ભલાભાઇ સોલંકી (ઉમર ૪૧) પોતાના ઘરે હતા ત્યારે તેમણે પોતાના ઘરમાં છતના હૂક સાથે દોરી બાંધીને ગળાફાંસો ખાઈ લીધો હતો.જેથી આ બનાવની અમિતભાઈ સોમાભાઈ દલસાણીયાએ ફોન કરીને વાંકાનેર સિટી પોલીસને જાણ કરી હતી અને પોલીસ ઘટના સ્થળે આવી હતી.ત્યારબાદ પ્રવિણભાઇના મૃતદેહને પીએમ માટે વાંકાનેરની સિવિલ હોસ્પિટલ ખાતે લઈ જવામાં આવ્યો હતો અને આ બનાવની વાંકાનેર સિટી પોલીસે નોંધ કરીને આગળની રાબેતા મુજબની કાર્યવાહી હાથ ધરી હતી.
ઝેરી દવા પી જતા સારવારમાં
મોરબીના માળિયા મીંયાણા તાલુકાના મોટા ભેલા ગામે રહેતા કસ્તુરબેન પરસોતમભાઈ સરડવા નામના ૬૭ વર્ષીય વૃદ્ધા કોઈ કારણસર તેઓના ઘેર ઝેરી દવા પી જતા તેઓને સારવાર માટે મોરબી ખસેડાયા હતા.બનાવની જાણ થતા એ ડિવિઝન પોલીસ મથકના એચ.એમ.ચાવડા દ્વારા પ્રાથમિક તપાસ કરીને આ બનાવ અંગે માળિયા પોલીસને જાણ કરવામાં આવી હતી.જ્યારે હળવદ તાલુકાના રાયધ્રા ગામે રહેતો આયુષ બિનલભાઇ નંદેસરિયા નામનો છ વર્ષીય બાળક બાઇકના પાછળના ભાગે બેસીને વાડીએથી ઘર તરફ જતો હતો ત્યારે રસ્તામાં તે નીચે પડી જતા ઈજાઓ થવાથી તેને સારવાર માટે મોરબી લાવવામાં આવ્યો હતો.
દારૂ સાથે પકડાયો
મોરબીના સામાકાંઠે ઉમા ટાઉનસાપ સામે ભીમસર વિસ્તારમાં રહેતો ચિરાગ જેસીંગ ચૌહાણ જાતે ભીલ નામનો ૨૧ વર્ષીય યુવાન બાઇક લઇને જતો હતો ત્યારે તાલુકા પોલીસ દ્વારા તેને નીચી માંડલ ગામ પાસે અટકાવવામાં આવ્યો હતો ત્યારે તેની પાસેથી ૧૨ લિટર દેશી દારૂ મળી આવતા તેની વિરુદ્ધ ગુનો દાખલ કરાયો હતો.
