મોરબીના ઇન્દિરાનગરમાં જુગાર રમતા ચાર શખ્સ ૨૦૪૫૦ ની રોકડ સાથે ઝડપાયા
Morbi Today
મોરબીના ચાંચાપર પાસે બાઈક સ્લીપ થઈ જતા ઘવાયેલ યુવાન રાજકોટ ખસેડાયો
SHARE
JOIN OUR GROUP
મોરબીના ચાંચાપર પાસે બાઈક સ્લીપ થઈ જતા ઘવાયેલ યુવાન રાજકોટ ખસેડાયો
મોરબીના ખાનપર ગામે રહેતો યુવાન બાઈક લઈને ચાંચાપર ગામ પાસેથી જતો હતો ત્યારે રસ્તામાં તેનું બાઇક સ્લીપ થઈ જતા ઇજાગ્રસ્ત યુવાનને મોરબી બાદ વધુ સારવાર માટે રાજકોટ લઈ જવામાં આવ્યો હોવાનું જાણવા મળેલ છે.
મોરબી તાલુકા પોલીસ મથકના સૂત્રોમાંથી મળતી માહિતી મુજબ મોરબી તાલુકાના ખાનપર ગામે રહેતો નરેશ કનુભાઈ સિહાર નામનો ૨૬ વર્ષીય યુવાન બાઇક લઈને જતો હતો ત્યારે રસ્તામાં તેનું બાઇક ચાંચાપર ગામ પાસે સ્લીપ થઈ જતા ઇજાગ્રસ્ત નરેશભાઈને ૧૦૮ વડે અહીંની સિવિલ હોસ્પિટલે સારવાર માટે લાવવામાં આવ્યો હતો જ્યાં તેને પ્રાથમિક સારવાર આપ્યા બાદ વધુ સારવાર માટે હાલ રાજકોટ ખસેડાયો હોવાનું જાણવા મળેલ છે. બનાવ અંગે તાલુકા પોલીસ મથકના અજીતસિંહ પરમાર દ્વારા તપાસ હાથ ધરવામાં આવી છે.
બે બાઈક અથડાતા ત્રણને ઇજા
મોરબીના ઊંચી-નીચી માંડલ ગામ નજીક બે બાઈક સામસામે અથડાયા હતા જે બનાવમાં ત્રણ લોકોને ઇજાઓ પહોંચતા સારવારમાં ખસેડાયા હતા.તાલુકા પોલીસના જણાવ્યા પ્રમાણે હળવદ રોડ ઉપર આવેલ ઉંચી-નીચી માંડલ વચ્ચે બે બાઇક સામસામે અથડાયા હતા જે અકસ્માત બનાવમાં ઈજાઓ થવાથી દિવ્યરાજસિંહ નટવરસિંહ ડોડીયા (૨૧), અનિરુદ્ધસિંહ દિલીપસિંહ ડોડીયા (૨૧) અને ગૌતમ રામજી રહે.ત્રણેય ચરાડવા તા.હળવદને ઇજાઓ પહોંચતા ત્રણેયને અહીંની સિવિલ હોસ્પિટલે સારવાર માટે લાવવામાં આવ્યા હતા તાલુકા પોલીસ મથકના જશપાલસિંહ જાડેજા તપાસ ચલાવી રહ્યા છે.
ચોરીના ગુનામાં આરોપી પકડાયો
મોરબી તાલુકા પોલીસ મથકના સૂત્રોમાંથી મળતી માહિતી મુજબ ભરૂચ પોલીસ સ્ટેશન વિસ્તારમાં થયેલ ચોરીના ગુનાનો આરોપી મોરબી પંથકમાં હોવાની બાતમી મળતા ભરૂચ પોલીસ સ્ટાફ મોરબી આવ્યો હતો અને મોરબીના તાલુકા પોલીસ મથકની હદમાં આવેલ જેપુર ગામેથી ચોરૂના ગુનામાં સંડોવાયેલ નાનસિંગ જયલાભાઇ બારીયા જાતે આદિવાસી મૂળ રહે.વરમખેડા નિશાળ ફળી ગરબાડા દાહોદ વાળાને ચોરીના ગુનામાં હસ્તગત કર્યો હતો.
