મોરબીમાં જુગારની જુદીજુદી બે રેડ: પાંચ જુગારી ૧૦ હજારના મુદામાલ સાથે પકડાયા
Morbi Today
વાંકાનેરના ચંદ્રપુરમાં મહિલાની ખેતીની જમીન ઉપર કબ્જો કરનાર મહિલા સહિત ચાર સામે લેન્ડ ગ્રેબિંગ
SHARE
JOIN OUR GROUP
વાંકાનેરના ચંદ્રપુરમાં મહિલાની ખેતીની જમીન ઉપર કબ્જો કરનાર મહિલા સહિત ચાર સામે લેન્ડ ગ્રેબિંગ
વાંકાનેરના ચંદ્રપુર ગામે રહેતી મહિલાની માલીકીની ખેતીની જમીન ઉપર મહિલા સહિત ચાર દ્વારા કબ્જો કરી લેવામાં આવેલ છે અને ઉપજ નીપજ પણ લેવામાં આવી રહી છે અને તે જમીન ખાલી કરવા માટે મહિલાએ કહ્યું તો તેને જાનથી મારી નાખવાની ધમકી આપવામાં આવી છે જેથી કરીને મહિલાએ વાંકાનેર સિટી પોલીસ સ્ટેશન ખાતે લેંડર ગ્રેબિંગની ફરિયાદ નોંધાવી છે
જાણવા મળતી માહિતી મુજબ વાંકાનેરના ચંદ્રપુર ગામે રહેતા હનીફાબેન ગુલાબહુશેનભાઈ શેરશીયા જાતે મોમીન મુસ્લીમ (૪૦) એ એહમદહુશેન ગુલાબભાઈ શેરશીયા, ફૈજલ ગુલાબભાઈ શેશીયા, સોયબભાઇ ગુલાબભાઈ શેરશીયા અને રોશનબેન ગુલાબભાઈ શેરશીયા રહે. ચારેય ચંદ્રપુર વાળાની સામે લેન્ડ ગ્રેબિંગની ફરિયાદ નોંધાવી છે જેમાં તેને જણાવ્યુ છે કે, તેઓની માલીકીની વાંકાનેર તાલુકાના ચંદ્રપુર ગામની સીમમા આવેલ સર્વે નં.૧૧૪ પૈકી ૨+૩ જમીન હેકટર ૦-૮૯-૦૩ વાળી ખેતીની જમીન આરોપીઓએ પચાવી પાડવાના આશયથી કબ્જો કરી લઇ હાલ સુધી પોતાના કબ્જામા રાખી ઉપજ નીપજ મેળવતા હોય ફરીયાદી તથા તેણીના પતિએ આરોપીઓને આ જમીન ખાલી કરી સોપી આપવા જણાવતા ફરીયાદી તથા સાહેદને ગાળો બોલી મારવા દોડી હવે પછી આ બાજુ આવશો તો જાનથી મારી નાખશુ તેવી ધાક ધમકી આપી આપી હતી જેથી કરીને મહિલાની ફરિયાદ લઈને પોલીસે ગુજરાત જમીન પચાવી પાડવા પર (પ્રતિબંધ) કાયદો ૨૦૨૦ ની કલમ ૪(૩), ૫(ગ) તથા આઇ.પી.સી.કલમ ૫૦૪, ૫૦૬(૨) ૧૧૪ મુજબ ગુનો નોંધીને આગળની કાર્યવાહી કરેલ છે
