ટંકારાના લજાઈ ગામ પાસે આવેલ ઉમિયા માનવ મંદિર ખાતે વડીલોને રાખડી બાંધીને પોલીસે રક્ષાબંધનની કરી ઉજવણી

ટંકારાના લજાઈ ગામ પાસે આવેલ પૌરાણિક ભીમનાથ મહાદેવ મંદિરના સાનિધ્યમાં ઉમિયા માનવ સેવા ટ્રસ્ટ મોરબી સંચાલિત “માનવ મંદિર” આવેલું  છે અને આ સંસ્થામાં વડીલોનો વસવાટ કરવામાં આવે છે આ તમામ વડીલોને ટંકારા તાલુકાના પોલીસ સ્ટેશન સ્ટાફ પ્રવીણભાઈ મેવા (પો.હે.કોન્સ.) જયપાલસિંહ ઝાલા ( પો .હે.કોન્સ.) કિરણબેન ઢેઢી( કોન્સ્ટેબલ) મોનિકાબેન બી.(કોન્સ્ટેબલ ) વગેરે કર્મયોગી બંધુ – ભગીનીઓએ "રક્ષાબંધન "પર્વ નિમિત્તે માનવ મંદિર ખાતે આવીને રાખડી બાંધીને મોં મીઠા કરાવ્યા હતા અને રક્ષાબંધન પર્વની ઉજવણી કરી હતી. આ સમયે પવિત્ર, આત્મીય, સ્નેહસભર વાતાવરણ નિર્માણ થયું હતું આ ઉત્સવમાં સંસ્થાના પ્રમુખ પોપટભાઈ કગથરા, ઉપપ્રમુખ ગોપાલભાઈ ચારોલા, તેમજ કેમ્પસ ડાયરેક્ટર ઠાકરશીભાઈ કલોલા ઉપસ્થિત રહ્યા હતા અને પોલીસના પ્રેરણાદાયી કાર્યને બિરદાવયુ હતું.