મોરબી જીલ્લામાં વીજપોલના વળતરની આગમાં હવે ભાજપ હોમાઈ તેવો ઘાટ: પૂર્વ કેન્દ્રિય મંત્રીના ગામમાં ભાજપ પક્ષની પ્રવેશબંધી ! હિરાસર એરપોર્ટ પર આંતરરાષ્ટ્રીય અને કાર્ગો સેવા શરૂ કરવા રાજ્યસભા સાંસદ કેસરીદેવસિંહ ઝાલાની રજૂઆત ગૌરવની ક્ષણ ૮૦માસ્વાતંત્ર્ય દિને મોરબી જિલ્લા તંત્ર દ્વારા મેંગોપીપલ પરિવારનું ભવ્ય સન્માન મોરબી : મુસ્કાન વેલ્ફેર સોસાયટી દ્વારા તીજોત્સવની રંગારંગ ઉજવણી મોરબીની બી.એમ.મામુજી ૮૦ વર્ષ જૂની પેઢીનો પર્યાવરણપ્રેમ, લગભગ ૨૦ વર્ષથી પ્લાસ્ટિક ઝબલાઓનો સંપૂર્ણ ત્યાગ મોરબીમાં ભારતીય યુવા મંચ દ્વારા યુવા વક્તાઓ માટે ખાસ કાર્યક્રમ યોજાયો મોરબીમાં ભાડુઆત દંપતી સાથે માથાકૂટ કરીને ઘરધણી મહિલાને જ્ઞાતિ પ્રત્યે અપમાનિત કરતાં ગુનો નોંધાયો મોરબીના શાપર ગામ નજીક રિવર્સમાં આવેલ ડમ્પરના ચાલકે માતાની નજર સામે 2 વર્ષના માસૂમ બાળકને કચડી નાખ્યો

Breaking news

Morbi Today

મોરબીના કંડલા બાયપાસ નજીકથી સગીરાનું અપહરણ

03-01-2022 10:46 AM

મોરબીના કંડલા બાયપાસ નજીકથી સગીરાનું અપહરણ

મોરબીના શનાળા-કંડલા બાયપાસ નજીક રહેતા એક મજુર પરિવારની સગીર વયની દીકરીનું લલચાવી ફોસલાવીને બદકામ કરવાના ઇરાદે અપહરણ કરી જવાતા ભોગ બનેલ સગીરાના પિતાએ ફરિયાદ નોંધાવતા એ ડીવીઝન પોલીસે ગુનો નોંધીને તપાસ હાથ ધરી છે.

બનાવની જાણવા મળતી વિગતો મુજબ મોરબીના શનાળા ગામ પાસે આવેલ વિસ્તારમાં રહેતા અને મજૂરી કામ કરતાં પરિવારની સગીર વયની દીકરીને લલચાવી ફોસલાવીને બદકામ કરવાના ઇરાદે શહેરના કંડલા બાયપાસ નજીકથી ગત તા.૨૫-૧૨ ના રાત્રિના આઠ વાગ્યે માળીયા મિંયાણા તાલુકાના વિરવિદરકા ગામનો અજય કિશોરભાઇ સનુરા નામનો શખ્સ અપહરણ કરી જતા ભોગ બનેલ સગીરાના પિતાએ મોરબી સીટી એ ડીવીઝન પોલીસ મથક ખાતે આરોપી અજય કિશોર સનુરા વિરૂદ્ધ ફરિયાદ નોંધાવતા હાલમાં એ-ડિવીઝન પીઆઇ જે.એમ.આલ દ્વારા આરોપી અજય સનુરા વિરુદ્ધ કલમ ૩૬૩, ૩૬૬ (અપહરણ) અને પોકસોની જુદીજુદી કલમો હેઠળ ગુનો નોંધવામાં આવ્યો છે અને ભોગ બનેલી સગીરા તથા આરોપીને શોધવા માટે જુદી-જુદી ટીમો બનાવીને શોધખોળ શરૂ કરવામાં આવી હોવાનું જાણવા મળે છે.

વાહન અકસ્માતમાં ઈજા

રાજકોટ નજીકના ખાખરેચી ગામની લીમડા સોસાયટીમાં રહેતા વિજય કિશોરભાઇ પરમાર નામના ૩૦ વર્ષીય યુવાનને મોરબી-માળીયા હાઈવે ઉપર મણાબા ગામ નજીક વાહન અકસ્માતના બનાવમાં ઇજાઓ થતાં તેને સારવાર માટે મોરબી ખસેડાયો હતો.જ્યારે વાંકાનેર તાલુકાના રાતડીયા ગામનો રહેવાસી રાહુલ મુકેશભાઈ ધોરીયા નામનો ૧૦ વર્ષીય યુવાન ગામમાં રામદેવપીરના મંદિર નજીકથી બાઇકની પાછળ બેસીને જતો હતો ત્યારે બાઇકમાંથી નીચે પડી જતા ઇજાગ્રસ્ત રાહુલ મુકેશભાઈને અહીંની આયુષ હોસ્પિટલે સારવાર માટે લાવવામાં આવ્યો હતો.

યુવાન સારવારમાં

મોરબીના ટંકારા તાલુકામાં આવતા નસીતપર ગામે રહેતો યોગેશ જાદવજીભાઈ લાડોલા નામનો ૨૨ વર્ષીય યુવાન મોરબીના વાંકાનેર હાઇવે ઉપર નવા જાંબુડીયા નજીક આવેલ એરો સીરામીક પાસેથી બાઇક લઇને જતો હતો ત્યાં તેના બાઇકને અજાણ્યા બાઇક ચાલકે હડફેટે લેતા શરીરે ઈજાગ્રસ્ત હાલતમાં યોગેશ લાડોલાને અહીંની આયુષ હોસ્પિટલે સારવારમાં ખસેડાયો હતો.