બે દિવસમાં ટ્રાફિક શાખાનું તાંડવ: મોરબીમાં નંબર પ્લેટ વગર દોડતા-ટ્રાફિકના નિયમનો ભંગ કરતાં ડમ્પર સહિત કુલ 41 વાહનો ડિટેન ટંકારાના જબલપુર ગામે જુગાર રમતા 6 શખ્સ 24,500ની રોકડ સાથે પકડાયા મોરબીના પીપળી રોડ પર આવેલા વેરહાઉસમાંથી 4 તરુણ શ્રમયોગીઓને તંત્રએ મુક્ત કરાવ્યા મોરબીના ખારચીયા ગામે કલેક્ટર સ્વપ્નિલ ખરેના અધ્યક્ષસ્થાને યોજાઈ રાત્રીસભા મોરબી શહેર અને ગ્રામ્ય કક્ષાએ ૬ ડિસેમ્બરે યોજાશે કલા મહાકુંભ મોરબીની મહેન્દ્રનગર ચોકડીએ અજાણ્યા ટ્રકની હડફેટે 32 વર્ષીય યુવકનું મોત મોરબીના લાલપર પાસે મેટાડોર ચાલકે રીક્ષાને હડફેટે લેતા આઠ ઈજાગ્રસ્તો સારવારમાં મોરબી જિલ્લાને દુષ્કાળગ્રસ્ત જાહેર કરવાની માંગ સાથે કોંગ્રેસે કલેક્ટરને આવેદનપત્ર પાઠવ્યુ
Breaking news
Morbi Today

અનોખો વિરોધ: પેટ્રોલ પંપ ઉપર ડીઝલનો જથ્થો ન હોય મેલોડી ચોકલેટનું મોરબીમાં કોંગ્રેસ દ્વારા કરાયુ વિતરણ


SHARE







































અનોખો વિરોધ: પેટ્રોલ પંપ ઉપર ડીઝલનો જથ્થો ન હોય મેલોડી ચોકલેટનું મોરબીમાં કોંગ્રેસ દ્વારા કરાયુ વિતરણ

પેટ્રોલ-ડીઝલના ભાવમાં સતત વધારો થઈ રહ્યો છે અને મોંઘવારી વધી રહી છે ત્યારે આજે મોરબીમાં જિલ્લા મહિલા કોંગ્રેસ તથા યુથ કોંગ્રેસ દ્વારા પેટ્રોલ-ડીઝલના ભાવ વધારા સામે વિરોધ પ્રદર્શન કરવામાં આવ્યું હતું અને મોરબીના ગાંધી ચોક પાસે આવેલ પેટ્રોલ પંપ ખાતે રેકડીમાં ડબલા મૂકીને ડીઝલ લેવા માટે કોંગ્રેસના આગેવાનો ગયા હતા ત્યારે ત્યાં ડીઝલ ન હોવાનું પંપ ઉપર હાજર રહેલા તેના કર્મચારીઓએ જણાવ્યું હતું જેથી કરીને કોંગ્રેસના આગેવાનો દ્વારા ત્યાં પેટ્રોલ પંપ ઉપર ફરજ બજાવતા કર્મચારીઓ સહિતના લોકોને મેલોડી ચોકલેટનું વિતરણ કરીને અનોખો વિરોધ કરવામાં આવ્યો હતો.

ઈરાન અને ઇઝરાયેલ વચ્ચે ચાલતા યુદ્ધની પરિસ્થિતિના કારણે દેશની અંદર આર્થિક સંકટ, ઉર્જા કટોકટી તેમજ ડીઝલ અને પેટ્રોલના ભાવમાં વધારો થશે તેવી શક્યતાઓ છેલ્લા ઘણા સમયથી વ્યક્ત કરવામાં આવે છે અને છેલ્લા દિવસોમાં ચારેક વખત પેટ્રોલ-ડીઝલના ભાવમાં વધારો કરવામાં આવ્યો છે અને પેટ્રોલ ડીઝલના ભાવમાં વધારો થવાના કારણે સામાન્ય લોકોના જનજીવનને બહુ મોટા પ્રમાણમાં અસર થાય તેવી પરિસ્થિતિનું નિર્માણ થયું છે જેથી આજે મોરબી જિલ્લા મહિલા કોંગ્રેસ તથા મોરબી જિલ્લા યુથ કોંગ્રેસ દ્વારા પેટ્રોલ ડીઝલના સતત વધતા ભાવના વિરોધમાં વિરોધ પ્રદર્શનનું આયોજન કરવામાં આવ્યું હતું અને મોરબીના ગાંધી ચોક પાસે આવેલ પેટ્રોલ પંપ ખાતે કોંગ્રેસના આગેવાનો ડીઝલ લેવા માટે રેકડીમાં ડબલા મૂકીને પહોંચ્યા હતા અને ત્યારે ત્યાં ડીઝલનો જથ્થો ન હોવાનું પંપ ઉપર હાજર રહેલા કર્મચારીઓ જણાવ્યું હતું જેથી કોંગ્રેસના આગેવાનો દ્વારા પંપના કર્મચારીઓને તેમજ ત્યાં હાજર રહેલા લોકોને મેલોડી ચોકલેટનું વિતરણ કરીને પેટ્રોલ ડીઝલનો ભાવ વધારો પાછો ખેંચવામાં આવે તે સહિતના સૂત્રોચાર કર્યા હતા આ તકે મોરબી જિલ્લા મહિલા કોંગ્રેસના પ્રમુખ દમયંતીબેન નિરંજની, મોરબી જિલ્લા યુથ કોંગ્રેસના પ્રમુખ વસીમભાઈ મન્સૂરી, મોરબી શહેર કોંગ્રેસના પ્રમુખ પુષ્પરાજસિંહ જાડેજા, રાજુભાઈ કાવર, મુકેશભાઈ ગામી, રમેશભાઈ રબારી, મિલનભાઈ સોરિયા સહિતના આગેવાનો હાજર રહ્યા હતા
















Latest News