મોરબી વોર્ડ નં. 9 માં મહાપાલિકાના કોર્પોરેટર ભગવતીબેન કુંડારિયા દ્વારા નાના વેપારીઓને છત્રીનું વિતરણ કરાયું

મોરબી મહાનગરપાલિકા વોર્ડ નં. 9 ના કોર્પોરેટર શ્રીમતી ભગવતીબેન કુંડારીયા દ્વારા ઘોમઘખતા તાપમાં રોડ પર શાકભાજી-ફળ વેચતા નાના વેપારીઓને ભાજપની છત્રીઓનું વિતરણ કરવામાં આવ્યું હતું અને આખો દિવસ તડકામાં ઊભા રહેતા વેપારીઓને તડકાની સામે છાંયડો અને રાહત મળે તે માટે છત્રીનું વિતરણ કર્યું હતું. ખાસ કરીને ફળ અને શાકભાજી વેચતા લારી વાળા તેમજ અન્ય નાના ધંધાર્થીઓને છત્રી આપવામાં આવી હતી. વધુમાં ભગવતીબેને જણાવ્યું હતું કે, "43 ડિગ્રી ગરમીમા નાના વેપારી ભાઈ-બહેનો તડકામાં ઊભા રહીને વેપારી ધંધો કરતા હોય છે જેથી તેના સ્વાસ્થ્ય અને સલામતીને ધ્યાને રાખીને તેઓને ગરમી સામે રક્ષણ મળે તે માટે વોર્ડ નંબર 9 ના મુખ્ય વિસ્તારમાં છત્રીઓનું વિતરણ કરવામાં આવ્યું છે.