મોરબીના જોધપર નદી ગામે પિયરમાં આવેલ પરણીતાએ અને ટંકારના ધ્રુવનગર ગામે યુવાને કર્યો આપઘાત
Morbi Today
મોરબી નજીક સિરામિક કારખાનામાં ફોર ક્લિપ મશીન પલટી મારી જતાં નીચે દબાઈ ગયેલા યુવાનનું સારવારમાં મોત: મોરબીમાંથી બાઈકની ચોરી
SHARE
JOIN OUR GROUP
મોરબી નજીક સિરામિક કારખાનામાં ફોર ક્લિપ મશીન પલટી મારી જતાં નીચે દબાઈ ગયેલા યુવાનનું સારવારમાં મોત: મોરબીમાંથી બાઈકની ચોરી
મોરબીના જુના ઘૂટું રોડ ઉપર આવેલ સીરામીક કારખાનામાં વેરહાઉસના ઇન્ચાર્જ તરીકે કામ કરતો યુવાન કામ કરી રહ્યો હતો ત્યારે ટાઇલ્સ ઉપાડવાનું ફોર ક્લિપ મશીન પલટી મારી ગયું હતું અને યુવાનના કમરથી ઉપરનો ભાગ તેની નીચે દબાઈ ગયો હતો જેથી યુવાનને ગંભીર ઇજા થવાથી તેને સારવાર માટે હોસ્પિટલે લઈ ગયા હતા જો કે, સારવાર દરમિયાન તે યુવાનનું મોત નીપજ્યું હતું જે બનાવની મૃતક યુવાનના ભાઈએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
મૂળ ઉત્તરપ્રદેશનો રહેવાસી અને મોરબીના જુના રોડ ઉપર આવેલ સીરામીક કારખાનામાં વેરહાઉસના ઇન્ચાર્જ તરીકે કામ કરતો ઘનશ્યામ મદનમોહન (23) નામનો યુવાન ગત તા. 8/4 ના રોજ કારખાનામાં કામ કરી રહ્યો હતો ત્યારે ટાઇલ્સ ઉપાડવાનું ફોર ક્લિપ મશીન પલટી મારી ગયું હતું અને ઘનશ્યામની ઉપર પડતા કમરથી ઉપરનો ભાગ દબાઈ ગયો હતો જેથી ઘનશ્યામને ગંભીર ઇજા થઈ હોવાથી તેને તાત્કાલિક સારવાર માટે હોસ્પિટલે લઈ ગયા હતા અને સારવાર દરમિયાન તેનું મોત નીપજયું હતું જેથી આ બનાવવાની મૃતક યુવાનના ભાઈ પુષ્પેન્દ્રકુમાર મદનમોહન (26) રહે. ઉત્તર પ્રદેશ વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
બાઈકની ચોરી
મોરબીના વીસીપરા વિસ્તારમાં ઇમામના ઓટા સામે કુલીનગર-1 માં રહેતા સમસુદ્દીનભાઈ અકબરભાઈ પઠાણ (24) નામના યુવાને અજાણ્યા શખ્સની સામે મોરબી બી ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવી છે જેમાં જણાવ્યુ છે કે, તેણે પોતાના ઘર પાસે બાઈક નંબર જીજે 36 એક્યુ 2780 પાર્ક કરીને મૂક્યું હતું જે 20 હજાર રૂપિયાની કિંમતનું બાઇક ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
