હળવદના ચરાડવા પાસે કાર ચાલકે હડફેટે લેતા ગંભીર ઇજા પામેલ વૃદ્ધાનું સારવારમાં મોત
SHARE
JOIN OUR GROUP
હળવદના ચરાડવા પાસે કાર ચાલકે હડફેટે લેતા ગંભીર ઇજા પામેલ વૃદ્ધાનું સારવારમાં મોત
હળવદ તાલુકાના ચરાડવા ગામે પાસે વૃદ્ધા ચાલીને રોડ ક્રોસ કરી રહ્યા હતા દરમિયાન કાર ચાલકે બેફિકરાઈથી પોતાનું વાહન ચલાવ્યું હતું અને વૃદ્ધાને હડફેટે લેતા તેઓને માથા, બંને હાથ અને પગમાં ગંભીર ઈજા થઈ હતી જેથી સારવાર માટે હોસ્પિટલ ખાતે લઈ ગયા હતા અને ત્યાં ચાલુ સારવાર દરમિયાન તે વૃદ્ધાનું મોત નીપજયું હતું જેથી આ બનાવ સંદર્ભે હાલમાં મૃતક વૃદ્ધાના દીકરાએ નોંધાવેલ ફરિયાદ આધારે પોલીસે કારચાલક સામે ગુનો નોધીને આરોપીને પકડવા માટે તજવીજ શરૂ કરેલ છે.
હળવદ તાલુકાના જુના રાસંગપર ગામે પ્લોટ વિસ્તારમાં રહેતા ઘનશ્યામભાઈ ચતુરભાઈ પરમાર (45) એ હળવદ તાલુકા પોલીસ સ્ટેશન ખાતે કાર નંબર જીજે 36 આર 9499 ના ચાલક સામે ફરિયાદ નોંધાવેલ છે જેમાં જણાવ્યુ છે કે, હળવદ તાલુકાના ચરાડવા ગામે ગુરુકુળ સામેથી તેઓના માતા તખુબેન ચતુરભાઈ પરમાર (71) ચાલીને રોડ ક્રોસ કરી રહ્યા હતા દરમિયાન કાર ચાલકે તેઓને હડફેટ લીધા હતા જેથી કરીને અકસ્માતનો બનાવ બન્યો હતો અને અકસ્માતના આ બનાવમાં ફરિયાદીના માતાને માથા, બંને હાથ અને જમણા પગમાં ગંભીર ઇજા થઈ હતી એજથી તેઓને તાત્કાલિક સારવાર માટે લઈ ગયા હતા અને સારવાર દરમિયાન તેનું મોત નીપજ્યું હતું જેથી આ બનાવ સંદર્ભે હાલમાં અકસ્માત સર્જીને સ્થળ ઉપરથી નાસી છૂટેલા કાર ચાલક સામે મૃતક વૃદ્ધાના દીકરાએ ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે. #morbi #મોરબી
