મોરબી જીલ્લામાં વીજપોલના વળતરની આગમાં હવે ભાજપ હોમાઈ તેવો ઘાટ: પૂર્વ કેન્દ્રિય મંત્રીના ગામમાં ભાજપ પક્ષની પ્રવેશબંધી ! હિરાસર એરપોર્ટ પર આંતરરાષ્ટ્રીય અને કાર્ગો સેવા શરૂ કરવા રાજ્યસભા સાંસદ કેસરીદેવસિંહ ઝાલાની રજૂઆત ગૌરવની ક્ષણ ૮૦માસ્વાતંત્ર્ય દિને મોરબી જિલ્લા તંત્ર દ્વારા મેંગોપીપલ પરિવારનું ભવ્ય સન્માન મોરબી : મુસ્કાન વેલ્ફેર સોસાયટી દ્વારા તીજોત્સવની રંગારંગ ઉજવણી મોરબીની બી.એમ.મામુજી ૮૦ વર્ષ જૂની પેઢીનો પર્યાવરણપ્રેમ, લગભગ ૨૦ વર્ષથી પ્લાસ્ટિક ઝબલાઓનો સંપૂર્ણ ત્યાગ મોરબીમાં ભારતીય યુવા મંચ દ્વારા યુવા વક્તાઓ માટે ખાસ કાર્યક્રમ યોજાયો મોરબીમાં ભાડુઆત દંપતી સાથે માથાકૂટ કરીને ઘરધણી મહિલાને જ્ઞાતિ પ્રત્યે અપમાનિત કરતાં ગુનો નોંધાયો મોરબીના શાપર ગામ નજીક રિવર્સમાં આવેલ ડમ્પરના ચાલકે માતાની નજર સામે 2 વર્ષના માસૂમ બાળકને કચડી નાખ્યો

Breaking news

Morbi Today

મોરબીના ઢુવા પાસે સામસામે બાઇક અથડાતા બે યુવાન સારવારમાં

08-12-2025 11:11 AM

મોરબીના ઢુવા પાસે સામસામે બાઇક અથડાતા બે યુવાન સારવારમાં

મોરબી-વાંકાનેર હાઇવે ઉપર આવેલ ઢુવા ગામ પાસેના ક્રિષ્ના પેટ્રોલ પંપ પાસે વાહન અકસ્માતનો બનાવ બન્યો હતો.જેમાં બે બાઈક સામસામે અથડાતા સર્જાયેલ અકસ્માત બનાવમાં કેતનભાઇ રાઠોડ (૨૫) રહે. વાંકાનેર તેમજ રાજેશ અમરસિંગ (૩૦) રહે.મારૂતિ મિનરલ રાણેકપર વાંકાનેરને અત્રે મોરબીની સિવિલ હોસ્પિટલ ખાતે લાવવામાં આવ્યા હતા.જે પૈકી કેતનભાઇ રાઠોડને વધુ ઇજાઓ થયેલ હોય તેમને વધુ સારવાર માટે રાજકોટ ખસેડવામાં આવ્યા હોવાનું એ ડિવિઝન પોલીસ સૂત્રોમાંથી જાણવા મળેલ છ.બનાવ સંદર્ભે સ્ટાફના ડી.એ.જાડેજાએ પ્રાથમિક તપાસ કરીને બનાવ અંગે વાંકાનેર તાલુકા પોલીસને જાણ કરી હતી.

મહિલા સારવારમાં

મોરબીના વીસીપરા મદીના સોસાયટીમાં રહેતા રૂકસાનાબેન અજીતભાઈ પીંજારા નામના ૩૨ વર્ષીય મહિલાને ઘરે મારામારીના બનાવમાં ઇજાઓ થઈ હોય સારવાર માટે સિવિલ હોસ્પિટલ ખસેડાયા હતા.બનાવને પગલે નોંધ થતા બી ડિવિઝન પોલીસ મથકના સતિષભાઈ ગળચર દ્વારા નોંધ કરી તપાસ કરવામાં આવી હતી.જ્યારે મોરબીના હળવદ રોડ તળાવીયા શનાળાથી ઉંચી માંડલ જતા રસ્તે સીરામીક યુનિટના ક્વાટરમાં કોઈ કારણસર પડી જતા સંજીવ શિવનાથ શર્મા (૩૭) રહે.ઉમા ટાઉનશીપની પાસે મોરબી-૨ નામના યુવાનને ઇજા થતા સારવાર માટે ખસેડાયો હતો. જ્યારે માળિયા મિંયાણાના પીપળીવાસ વિસ્તારમાં રહેતા જાનબાઈ અભરામભાઈ મોવર નામના ૮૯ વર્ષના વૃદ્ધા ઘર પાસેથી બાઈકમાં બેસીને જઈ રહ્યા હતા ત્યારે બાઈકમાંથી પડી ગયા હોય સારવાર માટે મોરબી ખસેડાયા હતા.તેમજ વાંકાનેરના રાતીદેવડી ગામે રહેતા ઉસ્માનભાઈ વલીભાઈ માણસીયા નામના ૮૨ વર્ષના વૃદ્ધની તેઓના ઘરે તબિયત લથડી જતા ૧૦૮ વડે મોરબીની સરકારી હોસ્પિટલમાં સારવાર માટે લાવવામાં આવ્યા હતા.

યુવાન સારવારમાં

મોરબીના શનાળા રોડ ટીવીએસ ના શોરૂમ પાસે બાઈક પાછળથી નીચે પડી જતા કલ્પેશ મૂળજીભાઈ કૂંડારીયા (૪૨) રહે.૫૦૩-સ્વાગત એપાર્ટમેન્ટ ટીવાએસના શોરૂમ પાસે શનાળા રોડ મોરબીને ઇજાગ્રસ્ત હાલતમાં ખાનગી હોસ્પિટલે સારવાર માટે લઈ જવામાં આવ્યા હતા.તેમજ મોરબી તાલુકાના લીલાપર ગામે રહેતા અંબાબેન પરસોતમભાઈ દેથરીયા નામના ૮૩ વર્ષના વૃદ્ધા મોરબીના રવાપર-ઘુનડા રોડ ઉપર ફ્લોરા-૧૦૮ ની સામેથી જઈ રહ્યા હતા ત્યારે અજાણ્યા વાહન સાથે અકસ્માત બનાવમાં ઈજા થતાં તેમને સાગર હોસ્પિટલે લઈ જવામાં આવ્યા હોવાનું પોલીસે જણાવીને બનાવ સંદર્ભે આગળની તપાસ શરૂ કરી છે.

મારામારીમાં ઇજા

મોરબીના માધાપરા શેરી નંબર-૨૨ માં રહેતા રાજેશભાઈ સવજીભાઈ પીપળીયા નામના ૨૩ વર્ષના યુવાનને મારામારીમાં ઈજા થયેલ હોય સિવિલે સારવાર માટે ખસેડાયો હતો.મોરબીના નવલખી રોડ સેંટ મેરી સ્કૂલ પાસે થયેલ મારામારીના આ બનાવમાં રાજેશભાઈને પગ અને થાપાના ભાગે ઇજાઓ થઈ હોય સિવિલે સારવાર માટે લવાયા હતા બનાવને પગલે બી ડિવિઝન પોલીસ મથકના બી.કે.દેથા દ્વારા નોંધ કરી તપાસ કરવામાં આવી હતી