મોરબી જીલ્લામાં બોગસ દસ્તાવેજી પુરાવા ઊભા કરીને મહિલાને ખોટી રીતે ખેડૂત ખાતેદાર બનાવનાર વૃદ્ધના આગોતરા જામીન નામંજૂર મોરબીમાં સૌપ્રથમ વખત પેન ફેશિયલ ફ્રેક્ચર માટે ચહેરાની જટીલ પ્લાસ્ટિક સર્જરી સફળતાપૂર્વક કરવામાં આવી વાંકાનેરમાં રાજ્યસભા સાંસદ દ્વારા ગુજરાત કબડ્ડી લીગ ટુર્નામેન્ટનું આયોજન માંડવીનાં રમણીય બીચ ઉપર સાંસદ સહીતનાઓ દ્રારા યોગ દિવસની ઉજવણી ગાંધીનગર ચિલ્ડ્રન્સ રીસર્ચ યુનિવર્સિટીનું તારણ, બાળકોની તંદુરસ્તીને હવા, સૂર્ય પ્રકાશ, યોગ અને કસરત ખુબ જ અસરકર્તા મોરબી જિલ્લા રાજપૂત સમાજ દ્વારા વિદ્યાર્થી સન્માન સમારોહનું આયોજન: માર્કશીટો મંગાવવામાં આવી મોરબીમાં શનાળા રોડે ટ્રાફિક બ્રિગેડના જવાન સાથે માથાકૂટ કરી ટીશર્ટ ફાડી નાખ્યું મોરબીના પીપળી ગામ પાસેની સોસાયટીઓમાં પ્રાથમિક સુવિધાઓના ફાંફા: મહિલાઓએ કર્યો હોબાળો
Breaking news
Morbi Today

માળીયા (મી)ના કાજરડા ગામે ઘરમાંથી ત્રણ ચોરાઉ બાઇક સાથે એક શખ્સ પકડાયો: હવે સ્થાનિક પોલીસ સ્ટેશનમાં બાઇક ચોરીના બે ગુના નોંધાયા !


SHARE















માળીયા (મી)ના કાજરડા ગામે ઘરમાંથી ત્રણ ચોરાઉ બાઇક સાથે એક શખ્સ પકડાયો: હવે સ્થાનિક પોલીસ સ્ટેશનમાં બાઇક ચોરીના બે ગુના નોંધાયા !

મોરબી જિલ્લા એલસીબીની ટીમે હળવદ તથા મોરબી તાલુકામાંથી ચોરી કરવામાં આવેલ બે બાઇક સહિત કુલ મળીને ત્રણ ચોરાઉ બાઈકની સાથે એક આરોપીને પકડવામાં આવેલ છે અને પકડાયેલ શખ્સને હાલમાં માળીયા તાલુકા પોલીસ સ્ટેશન ખાતે સોંપવામાં આવેલ છે.

મોરબી એલસીબીના પીઆઇ એમ.પી.પંડયાની સૂચના મુજબ સ્ટાફ કામ કરી રહ્યો છે તેવામાં ચંદુભાઇ કાણોતરા, શક્તિસિંહ ઝાલા, દશરથસિંહ પરમાર, ભગીરથસિંહ ઝાલાને ખાનગી બાતમીદારો આધારે હકીકત મળેલ હતી કે, રજાક દોસમામદ મીંયાણા રહે. કાજરડા નીશાળ પાસે તાલૂકો માળીયા વાળો પોતે ચોરી કરેલા બાઇક તેના ઘરે રાખે છે અને તે પણ ત્યાં હાજર છે જેથી તેના ઘરની એલસીબીની ટીમે પંચોને સાથે રાખીને ઝડતી લીધી હતી ત્યારે ઘરના ફળીયામાંથી નંબર પ્લેટ વગરના અલગ અલગ ત્રણ સ્પ્લેન્ડર પ્લસ બાઇક મળી આવ્યા હતા જેના કાગળ માંગ્યા હતા ત્યારે તેની પાસેથી સંતોષકારક જવાબ મળેલ ન હતો જેથી તેની વિષેશ પુછપરછ કરતા આ ત્રણેય બાઇક તેને અલગ-અલગ જગ્યાએથી ચોરી કરેલ હોવાની કબૂલાત આપેલ હતી અને મોરબી તાલુકાનાં લુંટાવદર, હળવદ તાલુકાના દેવળીયા અને ભચાઉ ખાતેથી આ બાઈકની ચોરી કરેલ હોવાનું સામે આવ્યું હતું જેથી ત્રણેય ચોરાઉ બાઇકને કબ્જે કરીને પોલીસે આરોપી રઝાકભાઇ દોસમામદ કાજડીયા રહે. હાલ કોયબા ડેમ પાસે સુરેશભાઇ ભરવાડની વાડીમાં તાલુકો હળવદ મુળ. કાજરડા ગામ માળીયા (મીં) વાળાને પકડીને આગળની કાર્યવાહી અર્થે હાલમાં માળીયા (મિં) તાલુકા પોલીસ હવાલે કરેલ છે.

હવે સ્થાનિક પોલીસ સ્ટેશનમાં બાઇક ચોરીના બે ગુના નોંધાયા !

હળવદ તાલુકાના નવા દેવળીયા ગામે રહેતા હાલુભા ભૂરૂભા પરમાર (58)અજાણ્યા શખ્સની સામે હળવદ તાલુકા પોલીસ સ્ટેશન ખાતે વાહન ચોરીની ફરિયાદ નોંધાવેલ છે જેમાં તેણે જણાવ્યું છે કે તેઓએ પોતાના ઘર પાસે શેરીમાં બાઈક નંબર જીજે 13 એફએફ 5448 પાર્ક કરીને મૂક્યું હતું જે 15,000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને બનેલા વૃદ્ધે નોંધાવેલ ફરિયાદ આધારે પોલીસે ગુનો નોંધીને આગળની કાર્યવાહી કરેલ છે આવી જ રીતે મોરબીના રવાપર રોડ ઉપર આવેલ સેન્ટર પોઇન્ટ એપાર્ટમેન્ટ બ્લોક નંબર 302 માં રહેતા ગોવિંદભાઈ ખીમજીભાઈ સેરસિયા (68)એ મોરબી તાલુકા પોલીસ સ્ટેશન ખાતે વાહન ચોરીની ફરિયાદ નોંધાવે છે જેમાં તેને જણાવ્યુ છે કે, લૂંટાવદર ગામે ફરિયાદીના પાધેળા તરીકે ઓળખાતા ખેતરે તેણે પોતાનું બાઈક નંબર જીજે 3 ઇએચ 1088 પાર્ક કરીને મૂક્યું હતું જે 15,000 રૂપિયાની કિંમતનું બાઈક ચોરી કરવામાં આવેલ છે જેથી ભોગ બનેલા વૃદ્ધે નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી હતી.






Latest News