માળીયા (મી)ના વીરવિદરકા નજીક બનતા કારખાનામાં બાળક ઉપર તલવાર વડે હુમલો: ઇજાગ્રસ્ત રાજકોટ સારવારમાં

માળીયા (મી)ના વીરવિદરકા ગામના પાટીયા પાસે નવા બનતા કારખાનામાં 15 વર્ષના બાળક ઉપર કોઈ કારણસર તલવાર વડે હુમલો કરવામાં આવ્યો હતો જેથી તે બાળકને ઇજા થયેલ હતી માટે તેને સારવારમાં પ્રથમ તેને મોરબી અને ત્યાંથી વધુ સારવાર માટે રાજકોટની હોસ્પિટલમાં લઈ જવામાં આવેલ છે અને આ બનાવની તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

માળીયા (મી)ના વીરવિદરકા ગામના પાટીયા પાસે નવા બનતા કારખાનામાં શુભમ અનિલભાઈ બરમુડા (15) નામના બાળક ઉપર કોઈ કારણોસર તલવાર વડે હુમલો કરવામાં આવ્યો હતો જેથી કરીને તે બાળકને ઇજા થઇ હોવાથી ઇજા પામેલા બાળકને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને ઇજાગ્રસ્ત બાળકને ગંભીર ઇજા હોવાથી તેને વધુ સારવાર માટે રાજકોટ ખાતે લઈ જવામાં આવેલ છે અને આ બનાવ માળિયા તાલુકા પોલીસની હદમાં બનેલ હોવાથી ત્યાં આ બનાવની જાણ કરવા માટેની કાર્યવાહી કરવામાં આવેલ છે.

મહિલા સારવારમાં

મોરબીના વાવડી રોડ ઉપર આવેલ ત્રિમૂર્તિ પાર્કમાં રહેતા મુક્તાબેન કુંવરજીભાઈ અઘારા (57) નામના મહિલા કનૈયા ચા વાળી શેરીમાંથી પસાર થઈ રહી હતી ત્યારે એકટીવાની ઠોકર તેઓને લાગતાં ડાબા પગમાં ઈજા થઈ હતી જેથી તેને સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે પોલીસને જાણ કરતા પોલીસ આગળની કાર્યવાહી હાથ ધરી છે.

બાઇક સ્લીપ

મોરબી તાલુકાના ગોર ખીજડીયા ગામે રહેતા ખીમજી આંબારમભાઈ નકુમ (25) નામના વ્યક્તિને નવલખી ફાટક પાસે પશુરામ મંદિર નજીક બાઇક સ્લીપ થતાં ઈજા થઇ હતી જેથી તેણે સારવાર માટે હોસ્પિટલે લાવ્યા હતા અને આ બનાવની હોસ્પિટલથી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ કરી છે.