વાંકાનેરના રૂપાવટી ગામ પાસે નદીમાં ડૂબી જવાથી અજાણ્યા યુવાનનું મોત

વાંકાનેરના રૂપાવટી ગામ પાસે આવેલ વેલારી ભેખડ નામની નદી પાસે પાણીમાં ડૂબી જવાના કારણે અજાણ્યા 30 થી 40 વર્ષના યુવાનનું મોત નિપજ હતું જેથી તેના મૃતદેહને પીએમ માટે હોસ્પિટલે લઈને આવ્યા હતા અને ત્યારબાદ આ બનાવની વાંકાનેર તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી

જાણવા મળતી માહિતી પ્રમાણે વાંકાનેર તાલુકાના રૂપાવટી ગામે રહેતા ભવાનભાઈ ઘોઘાભાઈ રાઠોડ (42) નામના યુવાને વાંકાનેર તાલુકા પોલીસ સ્ટેશન ખાતે જાણ કરી હતી કે રૂપાવટી ગામની સીમમાં વેલારી ભેખડ ગામની નદીમાં કોઈ અજાણ્યો યુવાન ડૂબી ગયો છે જેથી કરીને વાંકાનેર તાલુકા પોલીસની ટિમ ત્યાં પોહોચી હતી અને પાણીમાં ડૂબી ગયેલા અજાણ્યા 30 થી 40 વર્ષના યુવાનના મૃતદેહને પાણીની બહાર કાઢીને પીએમ માટે હોસ્પિટલે લઈને આવ્યા હતા અને ત્યારબાદ આ બનાવની વાંકાનેર તાલુકા પોલીસ સ્ટેશન ખાતે નોંધ કરીને પોલીસે આગળની કાર્યવાહી હાથ ધરી છે અને મૃતક યુવાનની ઓળખ મેળવવા માટે તજવીજ ચાલી રહી છે.

માર મારતા ઇજા

મોરબીના મકનસર પાસે આવેલ પ્રેમજીનગરમાં રહેતા રમેશભાઈ કાળાભાઈ વાઘેલા (45) નામના યુવાનને જીતુભાઈએ માર મારતા ઈજા થઈ હતી જેથી ઇજાગ્રસ્ત યુવાનને સારવાર માટે મોરબીની સિવિલ હોસ્પિટલ સાથે લઈને આવ્યા હતા અને તેને સારવાર આપ્યા બાદ આ બનાવ અંગેની હોસ્પિટલ મારફતે તાલુકા પોલીસને જાણ કરવામાં આવતા પોલીસ આગળની કાર્યવાહી હાથ ધરી હતી

મહિલા સારવારમાં

મોરબીના વાવડી રોડ ઉપર આવેલ મીરા પાર્કમાં રહેતા ઈલાબેન રમેશભાઈ સાણંદિયા (50) નામના આધેડ મહિલા લાતી પ્લોટ મેઇન રોડ ઉપરથી બાઈકમાં બેસીને પસાર થઈ રહ્યા હતા ત્યારે બાઈકમાંથી કોઈ કારણસર પડી જતા તેમને ઈજા થઈ હતી જેથી તેઓને સારવાર માટે હોસ્પિટલે લઈને આવ્યા હતા અને ત્યારબાદ આ બનાવની એ ડિવિઝન પોલીસને જાણ કરવામાં આવી હતી.