મોરબીના ટિંબડી પાટિયા પાસે બાઇકને ટેન્કર ચાલકે હડફેટે લેતા યુવાનનું મોત

મોરબીના વીસીપરા વિસ્તારની અંદર રહેતો યુવાન શાક બકાલાની કેરી કરવા માટે જતો હોય ટિંબડી ગામના પાટીયા પાસેથી તે પોતાના ઘર તરફ પરત આવી રહ્યો હતો ત્યારે ટેન્કરના ચાલકે તેના બાઇકને હડફેટે લીધું હતું જે બનાવમાં યુવાન અને ગંભીર ઇજા થયેલ હતી જેથી તેનું મોત નીપજયું હતું અને અકસ્માતના બનાવ સંદર્ભે તાલુકા પોલીસને જાણ કરવામાં આવતા પોલીસે મૃતક યુવાનના પરિવારજનની ફરિયાદ લેવા માટે તજવીજ હાથ ધરી છે.

જાણવા મળતી માહિતી પ્રમાણે મોરબીના વીસીપરા વિસ્તારની અંદર રહેતા પ્રકાશભાઈ વસંતભાઈ સોમાણી (40) નામનો યુવાન ટિંબડી ગામના પાટીયા પાસેથી બાઈક લઈને પસાર થઈ રહ્યો હતો ત્યારે પાણીના ટેન્કર વાળાએ તેના બાઈકને હડફેટે લીધું હતું જેથી અકસ્માતનો બનાવ બન્યો હતો અને અકસ્માતના બનાવમાં પ્રકાશભાઈ સોમાણીને ગંભીર ઇજા થયેલ હતી જેથી તેને સારવારમાં લઈને આવ્યા હતા અને ત્યાં સારવારમાં તે યુવાનનું મોત નીપજયું હતું જેથી અકસ્માત મૃત્યુના બનાવ સંદર્ભે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે તેઓની પાસેથી મળેલ વિગત પ્રમાણે મૃતક પ્રકાશભાઈ શાક બકાલુ વેચવા માટે ફેરી કરતા હોય તેવો પોતાનું કામ પૂરું કરીને રાત્રે આઠેક વાગ્યાના અરસામાં ટિંબડી ગામના પાટીયા પાસેથી પોતાના ઘર તરફ પાછા આવી રહ્યા હતા દરમ્યાન ટેન્કર ચાલકે તેઓના બાઈકને હડફેટે લેતા અકસ્માતનો બનાવ બન્યો હતો જેમાં યુવાનને ઇજા થતાં તેનું મોત નીપજ્યું છે અને અકસ્માતના બનાવ સંદર્ભે હાલમાં મૃતક યુવાનના પરિવારજનની ફરિયાદ લેવા માટે તજવીજ હાથ ધરવામાં આવેલ છે.