મોરબી રાજકોટ રોડે જુદાજુદા બ્રિજ પાસે નાખવામાં આવેલ લાઇટો ચાલુ કરવા સીએમને રજૂઆત

મોરબી રાજકોટ હાઇવે નવો બનાવવામાં આવેલ છે અને ત્યાં લાઈટ નાખેલ છે પરંતુ તે લાઇટને ચાલુ કરવામાં આવતી નથી. જેથી લાઈટોને ચાલુ કરવા માટે સામાજીક કાર્યકર દ્વારા સીએમને લેખિતમાં રજૂઆત કરવામાં આવી છે

ટંકારા તાલુકાનાં વીરપર પાસે આવેલ સોસાયટીમાં રહેતા સામાજિક કાર્યકર હસમુખભાઈ ગઢવીએ હાલમાં સીએમને રજુઆત કરી છે તેમાં જણાવ્યુ છે કે, મોરબી રાજકોટ હાઈવે ઉપર ઓવરબ્રીજ, અંડરપાસ બ્રીજ તેમજ ડીવાઈડર ઉપર લાઈટો નાખવામાં આવેલ છે પરંતુ લાઈટો ચાલુ કરવામાં આવેલ નથી. જેમાં ભકિતનગર ઓવરબ્રીજ તેમજ નવલખી રોડ ઉપર બનાવેલ રેલ્વે ઓવરબ્રીજનો  સમાવેશ થયે છે અને ત્યાં નાખેલ લાઈટો બંધ છે જેથી સ્થાનિક સ્વરાજની સંસ્થાને જરૂરી સુચાનાઓએ આપીને આ લાઇટો ચાલુ કરવા માટેની માંગ કરવામાં આવી છે.