મોરબી-ટંકારામાં શ્રમિકો અને ભાડુઆતની માહિતી ન આપનારા વધુ 6 સામે કાર્યવાહી

મોરબી અને ટંકારા તાલુકામાં શ્રમિકો અને ભાડુઆતની માહિતી પોલીસને ન આપનારા કારખાના વાળા, કોન્ટ્રાકટર, સ્પા વાળા અને ઘરધણી સામે ગુના નોંધવામાં આવેલ છે અને પોલીસે આગળની કાર્યવાહી કરેલ છે.

મોરબીના લીલાપર નજીક મકના ભાડે આપેલ હતું જે ભાડૂઆતની માહિતી પોલીસને આપી ન હતી જેથી કરીને મકાન માલિક અશોકભાઈ તુલસીભાઈ ડાભી (50) રહે. લીલાપર કેનાલ રોડ બોરીયા પાટી વાળા સામે ગુનો નોંધાયેલ છે. મોરબીના લાલપર ગામની સીમમાં આવેલ રિયલ પ્લાઝા કોમ્પલેક્ષમાં ગ્રાન્ડ ઇલેવન સ્પા મસાજ પાર્લરમાં કામ કરતા પરપ્રાંતિય માણસોની વિગત મોરબી એસયોર્ડ એપ્લિકેશનમાં અપલોડ કરવામાં આવી ન હતી જેથી સ્પાના સંચાલક સાગરભાઇ ચંદુભાઈ બોરાણા (28) રહે. ધર્મનગર સોસાયટી વાવડી રોડ મોરબી વાળા સામે ગુનો નોંધાયો છે, મોરબી તાલુકાના મકનસાર ગામે મકાન ભાડે આપ્યું હતું અને ભાડુઆતની જાણ પોલીસને કરી ન હતી જેથી હરદેવસિંહ જીલુભા ઝાલા (35) રહે. ભક્તિનગર-1 મકનસર વાળા સામે ગુનો નોંધાયો છે ટંકારા નજીક આવેલ ખજુરાહોટલ પાસે જય ખોડીયાર સિમેન્ટ પ્રોડક્ટ નામના કારખાનામાં કામ કરતા શ્રમિકોની વિગત મોરબી એસયોર્ડ એપ્લિકેશનમાં અપલોડ કરવામાં આવી ન હતી અને પોલીસને જાણ કરવામાં આવી ન હતી જેથી કરીને હાલમાં વિનોદભાઈ ગાંડુભાઈ વેકરીયા (50) રહે. જબલપુર ટંકારા વાળા સામે ગુનો નોંધાયો છે. લજાઈ પાસે આવેલ સ્પોન્સર કારખાનામાં કામ કરતા શ્રમિકોની વિગતો મોરબી એસઓર્ડ એપ્લિકેશનમાં અપલોડ કરવામાં આવી ન હતી અને શ્રમિકોના આઈડી પ્રૂફ લેવામાં આવ્યા ન હતા જેથી જીતેન્દ્રભાઈ કરસનભાઈ પડાયા (36) રહે. ટંકારા વાળા સામે ગુનો નોંધાયો છે. ટંકારા નજીક વિનાયક પેટ્રોલ પંપ પાછળ દયાનંદ એફઆઈબીસી એલએલપી કારખાનામાં કામ કરતા શ્રમિકોની માહિતી મોરબી એસયોર્ડ એપ્લિકેશનમાં અપલોડ કરી ન હતી અને આઈડી પ્રૂફ લીધેલ ન હતા જેથી કોન્ટ્રાક્ટર હિન્દુસિંહ કુમ્પસિંહ ઇન્દા (29) રહે. હાલ દયાનંદ એફઆઈબીસી એલએલપી કારખાનામાં ટંકારા મૂળ રહે કચ્છ વાળા સામે ગુનો નોંધાયો છે