મોરબીમાં કુદરતી હાજતે ગયેલ યુવાનને સાપ કરડી જતાં મોત: પીપળી ગામેથી બાઈકની ચોરી

મોરબી શહેરમાં પાડાપુલની નીચેના ભાગમાં રહેતા મૂળ એમપીના યુવાનને તે કુદરતી હાજતે ગયેલ હતો ત્યારે ઝેરી સાપ કરડી જવાના કારણે તેનું મોત નીપજ્યું હતું. ત્યાર બાદ યુવાનના મૃતદેહને લઈને તેના પરિવારજનો વતનમાં જતા રહ્યા હોય ત્યાં પોલીસ સ્ટેશનમાં આ અંગેની મૃતકના દીકરાએ મોરબી સીટી બી ડિવિઝન પોલીસને બનાવની જાણ કરી હતી જેથી કરીને પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.

બનાવની જાણવા મળતી વિગત પ્રમાણે મોરબીમાં આવેલ પાડાપુલની નીચેના ભાગમાં ઝૂંપડામાં રહેતા અને મજૂરી કામ કરતા શોભાન કાલુ કામલીયા જાતે ભીલ (45) રહે. મૂળ જાંબુઆ એમપી વાળાને તે  કુદરતી હાજતે ગયો હતો ત્યારે ત્યાં ઝેરી સાપ કરડી જવાના કારણે તેનું મોત નીપજયું હતું ત્યારબાદ તેના ડેડબોડીને પરિવારજનો તેના વતનમાં લઈને જતા રહ્યા હતા અને થાદલા પોલીસ સ્ટેશન ખાતે તે અંગેની નોંધ કરવામાં આવ્યા બાદ આ બનાવની જાણ મૃતકના દિકરા સંજુ શોભાન કામલીયા જાતે ભીલ (22) એ મોરબી સીટી બી ડિવિઝન પોલીસને કરી હતી જેથી પોલીસે બનાવની નોંધ કરી આગળની કાર્યવાહી હાથ ધરી છે

બાઇક ચોરી

મોરબી નજીકના પીપળી ગામની સીમમાં આવેલ ગજાનંદ સોસાયટીમાં રહેતા રાજવીર સિંહ હેમંતસિંહ જાડેજા જાતે દરબાર (23)એ પોતે પોતાના ઘરની બહાર બાઈક નંબર જીજે 36 કે 8884 પાર્ક કરીને મૂક્યું હતું જે 25000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે. જેથી યુવાન દ્વારા મોરબી તાલુકા પોલીસ સ્ટેશન ખાતે બાઈક ચોરીની ફરિયાદ નોંધાવવામાં આવતા પોલીસે અજાણ્ય શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે