મોરબીમાં પરસોતમ રૂપાલાના વિરોધમાં ક્ષત્રિય સમાજના બહેનો દ્વારા ઉપવાસ આંદોલન

છેલ્લા ઘણા દિવસોથી રાજકોટ બેઠકના ભાજપના ઉમેદવાર પરસોતમ રૂપાલા સામે ક્ષત્રિય સમાજ દ્વારા આંદોલન કરવામાં આવી રહ્યું છે અને ધર્મ રથ કાઢીને ગામડે ગામડે જઈને લોકોને ભાજપની વિરોધમાં મતદાન કરવા માટે અપીલ કરવામાં આવી રહી છે તેવામાં આજે મોરબીમાં ક્ષત્રિય સમાજના બહેનો દ્વારા ઉમા ટાઉનશિપ પાસે આવેલ પંચમુખી હનુમાન મંદિર ખાતે પ્રતીક ઉપવાસ આંદોલન કરવામાં આવ્યું છે અને મહિલાઓએ પરસોતમ રૂપાલાની ધૂન બોલાવી હતી

રાજકોટ બેઠકના ભાજપના ઉમેદવાર પરસોતમ રૂપાલાએ ક્ષત્રિય સમાજની બહેન દીકરીઓ માટે જે અશોભનીય ટિપ્પણી કરી હતી તેને લઈને તેની સામે જે આંદોલન શરૂ કરવામાં આવ્યું હતું તે હવે ભાજપ સામે શરૂ થઈ ગયેલ છે કેમ કે, ભાજપે તેના ઉમેદવાર પરસોતમ રૂપાલાની ટિકિટ રદ કરેલ નથી અને હવે ભાજપની વિરોધમાં મતદાન કરવામાં આવે તેના માટે ગામડે ગામડે જઈને લોકોને અપીલ કરવામાં આવી રહી છે ત્યાર બાદ હવે ધર્મ રથ બાદ મોરબી ક્ષત્રિય સમાજના બહેનો દ્વારા મોરબીમાં ઉમા ટાઉનશિપની સામે આવેલ પંચમુખ હનુમાન મંદિરે પ્રતીક ઉપવાસ કર્યા છે અને ત્યારે બહેનોએ જણાવ્યુ હતું કે,  મોરબીમાં પુલ દુર્ઘટના બની હતી ત્યારે મોરબીના રાજમાતાએ કોઇની જ્ઞાતિ જાતિ જોઈને કોઈને મદદ કરી ના હતી અઢારેય વર્ણના લોકો હતા તે તમામને મદદ કરી હતી ત્યારે ભાજપના આગેવાન અને કેન્દ્રિય મંત્રી દ્વારા જે રીતે ક્ષત્રિય સમાજની બહેન દીકરી વિષે જે ટિપ્પણી કરવામાં આવેલ છે તેના માટે હવે ભાજપને પણ માફી નહીં આપવામાં આવે અને ભાજપ સામે આગામી દિવસોમાં કાયદા અને મર્યાદાના રહી લોકશાહીની ઢબે વિરોધ કરવામાં આવશે જો કે, હાલમાં ભાજપની  સામે મતદાન થાય તે માટેના તમામ પ્રયાસો કરવામાં આવશે આ તકે મહિલાઓએ પરસોતમ રૂપાલાની ધૂન બોલાવી હતી