મોરબી સિવિલના હંગામી કર્મચારીઓને ત્રણ મહિનાથી પગારના ફાંફા

મોરબીની સિવિલ હોસ્પિટલમાં હંગામી કર્મચારીઓને રાખવામા આવે છે તે હંગામી સ્ટાફને છેલ્લા ત્રણ મહિનાથી પગાર આપવામાં આવેલ નથી જેથી કરીને સફાઈ કામદારો, સિક્યુરિટી ગાર્ડ, સુપરવાઈઝર અને ડ્રાઇવરોનો પગાર ચૂકવવા માટે આરોગ્ય મંત્રી, કલેક્ટર અને ધારાસભ્યને સામાજિક કાર્યકરો દ્વારા રજૂઆત કરવામાં આવેલ છે

મોરબીના સામાજિક કાર્યકર રાજુભાઈ દવે, જગદીશભાઈ બાંભણિયા અને ચિરાગ સેતા દ્વારા હલમ આરોગ્ય મંત્રી, કલેક્ટર અને ધારાસભ્યને રજૂઆત કરેલ છે તેમાં જણાવ્યુ છે કે, સરકારી હોસ્પિટલમાં સફાઈ કામદારો, સિક્યુરિટી ગાર્ડ, સુપરવાઈઝર અને ડ્રાઇવરોનો પગાર છેલ્લા ત્રણ મહિનાથી કરવામાં આવેલ નથી જેથી કૈરને આ અંગે અગાઉ સુપ્રિટેન્ટમેન્ટને જાણ કરવામાં આવી હતી જો કે, હજુ સુધી પગાર આપવામાં આવેલ નથી જેથી કરીને હંગામી શ્રફને મકાનના ભાડા, છોકરાઓની સ્કૂલ ફી ભરવામાં પણ મુશ્કેલીનો સામનો કરવો પડી રહ્યો છે જેથી કરીને વહેલી તકે હંગામી સ્ટાફનો પગાર આપવામાં આવે તેવી માંગ કરેલ છે.