મોરબીની મહિલાએ હોમ ફાયનાન્સ કંપનીમાંથી મકાનની લોન લીધા બાદ મૃત્યુ થતાં ભારતી એકસા લાઇફ ઇન્સ્યુરન્સ વીમા કંપનીએ ડાયાબીટીઝ, હાઇપરટેન્શન અને ગોલ્ડબ્લેડર હોવાને કારણે વીમો આપવાની ના પડી હતી જેથી કરીને મોરબી શહેર-જીલ્લા ગ્રાહક સુરક્ષા મંડળ મારફતે રાજકોટ ગ્રાહક તકરાર નિવારણ કમીશનમાં ફરિયાદ દાખલ કરી હતી અને ગ્રાહક અદાલતે વીમા કંપનીને ગ્રાહકને ૩,૫૯,૯૮૬ રૂપિયા આઠ ટકા વ્યાજ સાથે તેમજ ખર્ચના દશ હજાર ચુકવવાનો આદેશ કરેલ છે.

આ કેસની વિગત એવી હતી કે, મોરબીના વતની દિલીપભાઇ પ્રભુભાઇ રાવલના પુત્ર વધુ ચાર્મીબેને હોમ ફાઇન્સ કંપનીમાંથી મકાનની લોન લીધેલ અને તેમનુ મૃત્યુ થતાં ભારતી એકસા લાઇફ ઇન્સ્યુરન્સ કંપની સામે વીમા અંગેની માંગણી કરી હતી અને વીમા કંપનીએ ચાર્મીબેનને ડાયાબીટીઝ, હાઇપરટેન્શન અને ગોલ્ડબ્લેડર હોવાને કારણે વીમો આપવાની ના પડી હતી જેથી કરીને દિલીપભાઇએ મોરબી શહેર-જીલ્લા ગ્રાહક સુરક્ષા મંડળના પ્રમુખ લાલજીભાઇ મહેતાનો સંપર્ક કરેલ હતો અને રાજકોટ ગ્રાહક તકરાર નિવારણ કમીશનમાં ફરિયાદ દાખલ કરેલ હતી જેમાં ગ્રાહક અદાલતે વીમા કંપનીને ગ્રાહકને ૩,૫૯,૯૮૬ આઠ ટકા ના વ્યાજ સાથે અને ૧૦૦૦૦ ખર્ચના ચુકવવાનો આદેશ કરેલ છે.