મોરબીમાં મેડિકલનો ફી વધારો મોકૂફ રખાતા વિદ્યાર્થીઓનો-વાલીઓએ ધારાસભ્યનો કર્યો ઋણ સ્વીકાર
Morbi Today
મોરબીના ચાંચાપર અને હળવદના ગોલાસણ ગામે સાપ કરડી જતા બે ના મોત
SHARE
JOIN OUR GROUP
મોરબીના ચાંચાપર અને હળવદના ગોલાસણ ગામે સાપ કરડી જતા બે ના મોત
મોરબી જિલ્લાના બે જુદાજુદા તાલુકાઓમાં સાપ કરડી જવાના બનાવમાં એક મહિલા અને એક આધેડ એમ બે લોકોના મોત નિપજયા હોવાનું જાણવા મળેલ છે.
મોરબી તાલુકા પોલીસ સુત્રોમાંથી મળતી માહિતી પ્રમાણે મોરબી તાલુકાના ચાંચાપર ગામે દિલીપભાઈ છગનભાઈ ભાલોડીયાની વાડીએ રહીને મજૂરી કામ કરતા અને મૂળ મધ્યપ્રદેશના પરિવારની મણીબેન જુરાવરભાઈ નગસિંગભાઈ ભુરીયા જાતે આદિવાસી નામની ૩૮ વર્ષની મહિલાને ગત તા.૬-૮ ના રોજ રાત્રિના આઠેક વાગ્યે વાડીમાં આવેલ ઘરની બહાર કામ સબબ નીકળ્યા હતા ત્યારે સાપ કરડી ગયો હતો.જેથી ૧૦૮ વડે તેઓને સારવાર માટે દવાખાને ખસેડવામાં આવ્યા હતા અને ટૂંકી સારવાર દરમિયાન મણીબેન ભુરીયાનું મોત નીપજ્યું હતું.જેથી કરીને મોરબી તાલુકા પોલીસમાં જાણ કરાતા હાલ આ બનાવ બાબતે મોરબી તાલુકા પોલીસ મથકના મહિલા એએસઆઇ નેહલબેન ખડીયા આગળની તપાસ ચલાવી રહ્યા છે.
જ્યારે બીજો બનાવ હળવદ તાલુકામાં બન્યો હતો.જેમાં હળવદ તાલુકાના ગોલાસણ ગામે રહેતા રમેશભાઈ સનાભાઇ તડવી નામના ૫૨ વર્ષના આધેડને ગઇ કાલ તા.૮ ના મોડી રાત્રીના બારેક વાગ્યાના અરસામાં ગોલાસણ ગામની સીમમાં આવેલ વાડી વિસ્તારમાં સાપ કરડી ગયો હતો.જેથી પ્રથમ હળવદની સિવિલ હોસ્પિટલ ખાતે પ્રાથમિક સારવાર લીધા બાદ તેઓને વધુ સારવાર માટે મોરબીની સિવિલ હોસ્પિટલે ખસેડવામાં આવ્યા હતા.ગત રાત્રીના બે વાગ્યે તેઓને મોરબીની સિવિલ હોસ્પિટલે સારવાર માટે લાવવામાં આવ્યા હતા અને અહીં ટુંકી સારવાર દરમિયાન આજે તા.૯-૮ ના રોજ વહેલી સવારે સાડા પાંચેક વાગ્યાના અરસામાં સારવારમાં રહેલા રમેશભાઈ સનાભાઇ તડવીનું પણ મોત નિપજયુ હોવાનું મોરબી સીટી એ ડિવિઝન પોલીસ સૂત્રોમાંથી જાણવા મળેલ છે.હાલ પ્રાથમિક તપાસ કર્યા બાદ બનાવ હળવદ પોલીસ મથક વિસ્તારનો હોવાથી મોરબી પોલીસ દ્વારા આ બનાવ સંદર્ભે આગળની તપાસ અર્થે હળવદ પોલીસમાં જાણ કરવામાં આવેલ છે.
સાપ કરડતા સારવારમાં
મોરબીના પંચાસર રોડ ઉપર આવેલી ગીતા ઓઇલ મીલ ખાતે યુનિટમાં કામ કરતા સમયે સાપ કરડી જવાનો બનાવ બન્યો હતો જે બનાવમાં અમરીબેન અનિલભાઈ મેણા નામની ૪૫ વર્ષીય મહિલાને સારવાર માટે સિવિલ હોસ્પિટલે લાવવામાં આવી હતી અને આ બનાવ અંગે હોસ્પિટલ તરફથી જાણ કરવામાં આવતા એ ડિવિઝન પોલીસ મથકના હરેશભાઈ ચાવડા દ્વારા બનાવની વધુ તપાસ હાથ ધરાઈ હતી.
