મોરબીના બેલા પાસે કારખાનામાં બે વર્ષના બાળકનું મોત નિપજાવનાર લોડર ચાલકની ધરપકડ
Morbi Today
મોરબીના ઘુંટુ રોડે મારામારીના બનાવમાં છ ને ઈજા
SHARE
JOIN OUR GROUP
મોરબીના ઘુંટુ રોડે મારામારીના બનાવમાં છ ને ઈજા
મોરબીના ઘુંટુ ગામ પાસે આવેલ કારખાનાના લેબર કવાટરમાં નજીવી વાતે મારામારીનો બનાવ બન્યો હતો.જેમાં છ લોકોને ઇજા થતા સારવારમાં ખસેડાયા હતા.મોરબી સીટી બી ડિવિજન પોલીસ સુત્રોના જણાવ્યા પ્રમાણે મોરબીના જુના ઘુંટુ રોડ ઉપર આવેલા આઇકોન સીરામીકના લેબર કવાટરમાં થયેલ મારામારીના બનાવમાં ઇજા થતાં રીકાબેન રાકુભાઈ સારેલ (૧૫), આશિષ રામપાલસિંહ કુમાર (૧૮), કાનાભાઈ કૈલાશભાઈ ભાંભોર (૧૮), સુરેજસિંહ લક્ષ્મણસિંહ ગુર્જર (૩૦) અને જોગભાઈ પંગલાભાઈ ભુવા (૩૫) રહે.બધા આઇકોન સિરામિક લેબર કવાટર વાળાઓને સામેકાંઠેની શિવમ હોસ્પિટલે સારવારમાં ખસેડાયા હતા અને આ મારામારીના બનાવમાં સામેના પક્ષના વિજય નરસીભાઇ યાદવ (૩૦) રહે.આઈકોન સિરામિક લેબર કવાટરને પણ ઇજા પહોંચતા તેને પણ શિવમ હોસ્પિટલે સારવાર માટે લઈ જવાયો હતો.આ બનાવ અંગે બી ડિવિઝન પોલીસ મથકના જગદીશભાઈ ડાંગર દ્વારા નોંધ કરીને તપાસ ચલાવવામાં આવી હતી.
યુવાન સારવારમાં
મોરબીની અણીયારી ચોકડી પાસે આવેલ લીમીટ પેપર મિલમાં સ્ટાફ ક્વાર્ટરમાં ઊંચાઈએથી નીચે પડી જતા યુવાનને સારવારમાં ખસેડાયો છે.મોરબી તાલુકા પોલીસ સુત્રોમાંથી મળતી માહિતી પ્રમાણે અણીયારી ચોકડી પાસે આવેલ લિમિટ પેપર મીલ નામના યુનિટના સ્ટાફ ક્વાર્ટરમાં ઊંચાઈએથી નીચે પડી જતા માથાના તથા ડાબા ખભાના ભાગે ઇજાગ્રસ્ત હાલતમાં શિવકુમાર બચુભાઈ અલીવાર (ઉમર ૩૮) ને અત્રેની આયુષ હોસ્પિટલે સારવારમાં લઈ જવાયો હતો બનાવને પગલે મોરબી સીટી એ ડિવિઝન પોલીસ મથકના હરેશભાઈ ચાવડાએ પ્રાથમિક તપાસ કરીને બનાવ અંગે માળીયા પોલીસ સ્ટેશનને જાણ કરી હતી.
મારામારીમાં ઈજા થતા સારવારમાં
મોરબીના માળીયા હાઇવે ઉપર ટીંબડી ગામના પાટીયા પાસે આવેલ હરિ સોસાયટી વિસ્તારમાં રહેતા મુકેશ જીવાભાઇ જીંજુવાડીયા નામના ૩૨ વર્ષના યુવાનને તેના ઘરની પાસે કોઈ બાબતે થયેલ બોલાચાલી બાદની મારામારીમાં ઈજા થતાં સિવિલ હોસ્પિટલમાં સારવાર માટે લઈ જવાયો હતો અને ત્યાં તેની સારવાર કરવામાં આવ્યા બાદ હોસ્પિટલ તરફથી જાણ કરવામાં આવેલી હોય હાલ મોરબી તાલુકા પોલીસ મથકના ફિરોજભાઈ સુમરા દ્વારા આ બનાવની નોંધ કરી કારણ અંગે આગળની તપાસ હાથ ધરવામાં આવી હતી.જ્યારે મોરબીના પાડાપુલની નીચે રહેતા બન્ટી હેન્ટ્રી ડામોર નામના ૩૩ વર્ષના યુવાનને મારામારીના બનાવમાં ઈજા થતા સારવારમાં સિવિલે લાવવામાં આવ્યો હતો ત્યાં તેણે પોલીસને જણાવ્યા પ્રમાણે છોટુ નામનો શખ્સ તેને ગાળો દેતો હોય ગાળો દેવાની ના પાડતા તેને માર મારવામાં આવ્યો હતો જેથી હાલ બી ડિવિઝન પોલીસે નોંધ કરીને મારામારીના બનાવ અંગે આગળની તપાસ શરૂ કરી છે.
