મોરબીના લાલપર ગામ પાસે ત્રિપલ અકસ્માત: રીક્ષા ચાલકને ગંભીર ઇજા થતા સારવારમાં, ગુનો નોંધાયો
SHARE
JOIN OUR GROUP
મોરબીના લાલપર ગામ પાસે ત્રિપલ અકસ્માત: રીક્ષા ચાલકને ગંભીર ઇજા થતા સારવારમાં, ગુનો નોંધાયો
મોરબી વાંકાનેર હાઇવે ઉપર આવેલ લાલપર ગામના બસ સ્ટેશન પાસે ત્રિપલ અકસ્માત સર્જાયો હતો જેમાં ખાનગી ટ્રાવેલ્સ બસ અને આઇસરની વચ્ચે રીક્ષા આવી જતા રીક્ષા ચાલકને પગમાં ફ્રેક્ચર જેવી ગંભીર ઇજા થઈ હોવાથી તેને સારવાર માટે ખસેડવામાં આવ્યો હતો અને સારવાર લીધા બાદ યુવાને હાલમાં અજાણ્યા આઇસર ટ્રકના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે મૂળ સુરેન્દ્રનગર જિલ્લાના પાણસીણાના રહેવાસી અને હાલમાં મોરબીના સામાકાંઠા વિસ્તારમાં કુબેર ટોકીઝની પાછળના ભાગમાં આવેલ મફતિયા પારામાં પાણીના ટાંકા પાસે રહેતા મેરૂભાઈ કરસનભાઈ મકવાણા (૩૫) નામના યુવાને અજાણ્યા આઇસર ટ્રકના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે મોરબી વાંકાનેર હાઇવે ઉપર આવેલ લાલપર ગામ પાસે બસ સ્ટેશન સામે આવેલ શ્યામ હોટલની સામેથી તે પોતાની રિક્ષા નંબર જીજે ૩૬ યુ ૮૪૭૯ લઈને મકનસરથી બે પેસેન્જર ને પોતાની રિક્ષામાં બેસાડીને મોરબી તરફ આવતો હતો ત્યારે લાલપર ગામના બસ સ્ટેશન પાસે આગળ જતી ખાનગી ટ્રાવેલ્સ બસના ચાલકે પોતાના વાહનને બ્રેક લગાવી હતી જેથી કરીને ફરિયાદીએ પોતાની રીક્ષાને બ્રેક કરતા તે ધીમે ધીમે આગળ જઈ રહ્યો હતો દરમિયાન પાછળથી આવી રહેલ અજાણ્યા આઇસર ટ્રકના ચાલકે ગફલત ભરી રીત પોતાનું વાહન ચલાવીને રીક્ષા ને પાછળથી ઠોકર મારી હતી જેથી કરીને રીક્ષા આગળના ભાગમાં ઉભેલ ટ્રાવેલ્સ બસમાં અથડાતા ત્રીપલ અકસ્માત થયો હતો અને આ અકસ્માતના બનાવમાં રીક્ષા ચાલક યુવાનને પગમાં સાથળના ભાગે અને ઢીંચણની નીચેના ભાગમાં બે ફ્રેક્ચર થયા હોવાથી તેને મોરબીની આયુષ હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરવામાં આવી હતી અને હાલમાં પોલીસે ઇજાગ્રસ્ત યુવાને નોંધાવેલ ફરિયાદ આધારે અજાણ્યા આઇસર ટ્રક ના ચાલક સામે ગુનો નોંધીને ઘટના સ્થળે અકસ્માત સર્જીને નાસી ગયેલ આઇસર ટ્રકના ચાલકને પકડવા માટે તજવીજ શરૂ કરેલ છે
