ટંકારાના હડમતિયા ગામે સોર્ટ સર્કિટથી તણખલો પડતા કડબનો જથ્થો બળીને ખાખ
Morbi Today
હળવદના સુખપર પાસે ટ્રેનની હડફેટે ચડી જતાં યુવાનનું મોત
SHARE
JOIN OUR GROUP
હળવદના સુખપર પાસે ટ્રેનની હડફેટે ચડી જતાં યુવાનનું મોત
હળવદ તાલુકાના સુખપર ગામ નજીક આવેલ ફાટકથી સુખપર ગામ તરફ જવાના રસ્તા ઉપર રેલ્વે ટ્રેક પાસે ટ્રેનની હડફેટે કપાઈ જવાથી સુખપર ગામના યુવાનની મોત નીપજયું હતું જેથી કરીને આ બનાવની હોસ્પિટલ મારફતે હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ હળવદ તાલુકાના સુખપર ગામે રહેતો યુવાન ભરતભાઈ નરસીભાઇ વડેચા (૪૨) સુખપર ગામ પાસે આવેલ રેલવે ફાટક નજીક રેલ્વે ટ્રેન હડફેટે ચડી જતાં તેને તાત્કાલિક હળવદમાં આવેલ સરકારી હોસ્પિટલ ખાતે લઈને આવ્યા હતા જ્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવ અંગે સરકારી હોસ્પિટલ મારફતે હળવદ તાલુકા પોલીસને જાણ કરવામાં આવતા પોલીસે અકસ્માતના આ બનાવની નોંધ કરીને આગળની રાબેતા મુજબની કાર્યવાહી હાથ ધરી હોવાનું હાલમાં હળવદ તાલુકા પોલીસ સ્ટેશન ખાતેથી જાણવા મળેલ છે
ફિનાઇલ પી ગઈ
મોરબીના લાતી પ્લોટ શેરી નં-૩ માં રહેતી પૂજાબેન તેજસભાઈ થરેસા (૨૦) પોતાના ઘરે હતી ત્યારે ત્યાં ફિનાઈલ પી જતા તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને મહિલાને સારવાર આપ્યા બાદ આ બનાવ અંગેની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવવી નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ એચ.એમ. ચાવડા ચલાવી રહ્યા છે
