મોરબી જિલ્લામાં સોમવારે અડધાથી લઈને સાડા ત્રણ ઇંચ જેટલો વરસાદ

મોરબી જિલ્લામાં છેલ્લા દિવસોથી ધીમીધારે વરસાદ વરસી રહ્યો છે ત્યારે સોમવારે આખા દિવસમાં મોરબી જિલ્લાના પાંચેય તાલુકામાં અડધા થી લઈને સાડા ત્રણ જેટલો વરસાદ પડ્યો છે અને હાલમાં પણ વરસાદી માહોલ છે ત્યારે મેઘરાજા હજુ પણ મન મૂકીને મોરબી જિલ્લા ઉપર મહેર કરે તેવું લોકો અને ખેડૂતો ઈચ્છી રહ્યા છે

મોરબી જીલ્લામાં છેલ્લી ૨૪ કલાકમાં ટંકારામાં સૌથી વધુ સાડા ત્રણ ઇંચ વરસાદ પડ્યો છે જો કે, હળવદમાં એક ઇંચ, વાંકાનેરમાં પોણા બે ઇંચ, માળીયામાં સવા ઇંચ અને મોરબીમાં અડધો ઇંચ વરસાદ પડ્યો છે જો મોસમના કુલ વરસાદની આંકડાકીય માહિતી ઉપર નજર કરીએ તો મોરબી ૩૬૯ મીમી, વાંકાનેર તાલુકામાં ૪૦૨ મીમી, હળવદ તાલુકામાં ૩૮૧ મીમી, ટંકારા તાલુકામાં ૫૪૫ મીમી અને માળીયા તાલુકામાં ૨૫૮ મીમી વરસાદ નોંધાયો છે