મોરબીના નાની કેનાલ-પંચાસર રોડ ઉપર માળખાકીય સુવિધાઓને ઝંખતા લોકો: કલેક્ટરને કરી રજૂઆત

મોરબી શહેરના વોર્ડ નંબર ૯ માં આવતા નાની કેનાલ રોડ અને પંચાસર રોડની છેલ્લા ઘણા સમયથી દયનીય સ્થિતિ છે જેથી પંચાસર રોડ નાની કેનાલ રોડના પ્રમુખ અને ઉપપ્રમુખ દ્વારા અગાઉ અનેક વખત રજૂઆત કરવામાં આવી છે તો પણ કામ કરવામાં આવતું નથી જેથી કરીને વધુ એક વખત કલેક્ટરને સ્થાનિક લોકો દ્વારા રજૂઆત કરવામાં આવી છે

મોરબીના વોર્ડ નં ૯ માં પ્રાથમિક સુવિધાઓ તથા માળખાકીય સુવિધાઓથી ધણા સમયથી આપવામાં આવતી નથી જેથી કરીને લોકો સુવિધાથી વંચીત છે તેનું નિરાકરણ લાવવા અનેક વખત રજૂઆત કરવામાં આવી છે તો પણ પ્રશ્ન ઉકેલવામાં આવેલ નથી જેથી આજે સ્થાનિક લોકો દ્વારા કલેક્ટરને રજૂઆત કરવામાં આવી છે જેમાં જણાવ્યુ હતું કે, જુના બસ સ્ટેંડથી પંચાસર રોડ પર આવતા દબાણો દૂર કરી રસ્તાઓ ખુલ્લા કરવો, નોનવેજની દુકાનો મુખ્ય રસ્તાઓ પર હોઇ ત્યાંથી નીકળતા હિન્દુઓની લાગણીને ઠેસ પહોચે છે જેથી કરીને તેને દૂર કરવામાં આવે, પંચાસાર રોડ અત્યંત બિસ્માર હોય નવો બનાવો, ફૂટપાથ બનાવવી, પંચાસર ચોકડીએ સર્કલ બનાવવું, સીસીટીવી કેમેરા મુકાવવા, સીટી બસનો સ્ટોપ આપવો, રોડ પહોળો તથા મજબૂત બનાવવો, નાની કેનાલ રોડ અત્યંત બિસ્માર, સ્ટ્રીટ લાઇટ મુકવામાં આવે, સાફ સફાઇ યોગ્ય કરવી, જુદીજુદી સોસાયટીઓમા ગટર, રોડરસ્તાની સુવિધા આપવાની માંગ કરાઇ છે જો પ્રશ્નો ઉકેલાશે નહીં તો આગામી સમયમાં લોકો ગાધી ચીંધ્યા માર્ગે આંદોલન કરશે તેવી ચીમકી ઉચ્ચારી છે