મોરબીના સાપકડા ગામે વાડીએ દવા પી ગયેલ વૃદ્ધાનું સારવાર દરમિયાન મોત
Morbi Today
ટંકારાના કલ્યાણપર ગામે જીનમાં પડેલ કપાસમાં આગ લાગતા નુકસાની
SHARE
JOIN OUR GROUP
ટંકારાના કલ્યાણપર ગામે જીનમાં પડેલ કપાસમાં આગ લાગતા નુકસાની
મોરબીના ટંકારા તાલુકાના ખીજડીયા ગામે રહેતા રૂપસિંહ ચંદુભા ઝાલા જાતે દરબાર દ્વારા ટંકારા પોલીસમાં જાણ કરવામાં આવી હતી કે કલ્યાણપર રોડ ઉપર આવેલા અસાબાપીરની દરગાહ પાસેના લક્ષ્મીકાંત કોટન જીનના ગ્રાઉન્ડમાં કોટન (કપાસ) નો જથ્થો પડ્યો હતો ત્યારે લોડર નંબર જીજે ૩ ઇએ ૮૬૫૩ ના ચાલક રાજુસીંગ સમદરસીંગ પુવાર દ્વારા કપાસનો જથ્થો ઉપાડવા માટે લોડર ચલાવવામાં આવ્યું ત્યારે લોડરનું સુપડું નીચે સિમેન્ટના રોડ સાથે અથડાતા તણખો ઉડયો હતો અને જેના લીધે કપાસના ઢગલામાં આગ લાગતા આગનો બનાવ બન્યો હતો અને જે બનાવવામાં નુકસાની થવા પામી છે.હાલમાં ટંકારા પોલીસે રૂપસિંહ ચંદુભા ઝાલા જાતે દરબાર (૫૨) રહે. મોટા ખીજડીયા તા. ટંકારા વાળાના નિવેદન આધારે નોંધ કરી છે જેની આગળની તપાસ ટંકારા પોલીસ મથકના એમ.પી.ચાવડા ચલાવી રહ્યા છે.
મારામારીમાં ઇજા
ટંકારા તાલુકાના હરીપર ગામે રહેતા કેવીબેન કનુભાઈ માવડા નામની ૨૦ વર્ષીય મહિલાને અમરેલી નજીકના કલુડી ગામ ખાતે વાડીએ મારામારીના બનાવમાં ઈજા પહોંચી હતી જેથી તેને સારવાર માટે મોરબીની સિવિલ હોસ્પિટલે લાવવામાં આવી હતી. જ્યારે મોરબી તાલુકાના શાપર ગામે રહેતા ભરતભાઈ શીવાભાઈ પરમાર નામના ૨૭ વર્ષના યુવાનને પીપળી ગામ નજીક મારામારીના બનાવમાં ઇજા પહોંચતા તેને પણ સીવિલે સારવાર માટે ખસેડવામાં આવ્યો હતો બંને બનાવોની નોંધ કરી પોલીસ દ્વારા આ અંગે આગળની તપાસ ચલાવવામાં આવી રહી છે.
