મોરબી જિલ્લામાં દારૂની હેરાફેરીમાં સંડોવાયેલ રાજસ્થાનના શખ્સને પાસા હેઠળ ઝડપી લઈને સાબરમતી જેલ હવાલે કરાયો
SHARE
JOIN OUR GROUP
મોરબી જિલ્લામાં દારૂની હેરાફેરીમાં સંડોવાયેલ રાજસ્થાનના શખ્સને પાસા હેઠળ ઝડપી લઈને સાબરમતી જેલ હવાલે કરાયો
માળીયા મીયાણા તાલુકા પોલીસ સ્ટેશન વિસ્તારમાં દારૂના ગુનામાં સંડોવાયેલ શખ્સની પાસા દરખાસ્ત મુકવામાં આવી હતી જેને જિલ્લા મેજિસ્ટ્રેટ દ્વારા મંજૂર કરવામાં આવતા એલસીબીની ટીમ દ્વારા રાજસ્થાન ખાતેથી આરોપીને પકડીને સાબરમતી જેલ હવાલે કરવામાં આવેલ છે અને આ આરોપી છેલ્લા છ મહિનાથી રાજસ્થાનમાં કરોડો રૂપિયાના દારૂની હેરાફેરીના ગુનામાં મોસ્ટ વોન્ટેડ હોય આ અંગેની રાજસ્થાન પોલીસને જાણ કરવામાં આવી છે
મોરબી જિલ્લાના માળીયા મીયાણા તાલુકા વિસ્તારમાં વિદેશી દારૂની હેરાફેરીના ગુનામાં સંડોવાયેલ બુટલેગર પ્રકાશ મોહનલાલ લોલની પાસા દરખાસ્ત મુકવામાં આવી હતી અને આ પાસા દરખાસ્તને જિલ્લા મેજિસ્ટ્રેટ દ્વારા મંજૂર કરવામાં આવતા આરોપીને પકડવા માટે થઈને એલસીબીની ટીમ દ્વારા તજવીજ હાથ ધરવામાં આવી હતી અને ચોક્કસ બાતમી આધારે રાજસ્થાનના જાલોર જિલ્લાના સાચોર ખાતે રહેતા આરોપી પ્રકાશ મોહનલાલ લોલ (32) રહે સાચોર રમેશ કોલોની તાલુકો સાચોર જિલ્લો જાલોર વાળાને હસ્તગત કરીને મોરબી જિલ્લા એલસીબી કચેરી ખાતે લઈ આવવામાં આવેલ છે અને ત્યારબાદ તેને પાસા હેઠળ ડીટેન કરીને અમદાવાદ ખાતે સાબરમતી મધ્યસ્થ જેલ હવાલે કરવામાં આવેલ છે વધુમાં પોલીસ પાસેથી મળતી મુજબ પ્રમાણે રાજસ્થાનના બિકાનેર જિલ્લાના નાપાસર પોલીસ સ્ટેશન વિસ્તારમાં ઇંગ્લીશ દારૂની 18,596 બોટલના જથ્થાની હેરાફેરીના ગુનામાં છેલ્લા છ એક મહિનાથી આ આરોપી મોસ્ટ વોન્ટેડ હતો અને તેને હાલમાં પાસા હેઠળ પકડીને જેલ હવાલે કરવામાં આવેલ છે જેથી આ અંગેની રાજસ્થાન પોલીસને પણ જાણ કરવામાં આવી છે. આ કામગીરી મોરબી જિલ્લા એલસીબીના ઇન્ચાર્જ પીઆઇ એસ.પી. જાડેજાની સૂચના મુજબ સ્ટાફ દ્વારા કરવામાં આવી હતી
