હળવદ તાલુકા પ્રાથમિક શિક્ષક સહકારી મંડળીની કારોબારીની રચના કરવામાં આવી
Morbi Today
મોરબીમાં ગરબા પાર્ટી પ્લોટ નજીક અપશબ્દો બોલી ઠઠ્ઠા મશ્કરી કરતા ત્રણની ધરપકડ
SHARE
JOIN OUR GROUP
મોરબીમાં ગરબા પાર્ટી પ્લોટ નજીક અપશબ્દો બોલી ઠઠ્ઠા મશ્કરી કરતા ત્રણની ધરપકડ
મોરબીમાં આયોજિત ગરબા પાર્ટી પ્લોટ નજીક જાહેરમાં લોકોની રૂચિનો ભંગ થાય તે રીતે અપશબ્દો બોલીને ઠઠ્ઠા મશ્કરી કરી નિર્લજ વર્તન કરતાં ત્રણ ઈસમો વિરૂધ્ધ મોરબી સીટી એ ડિવિઝન પોલીસ દ્વારા કાર્યવાહી કરીને ત્રણેયની ધરપકડ કરવામાં આવી હતી.
મોરબી સીટી એ ડિવિઝન પોલીસ સૂત્રોના જણાવ્યા પ્રમાણે મોરબીના રવાપર લીલાપર રોડ ઉપર આવેલ ઉમિયા નવરાત્રીના ગેઇટ પાસે ત્રણ ઈસમો જાહેરમાં બખેડો કરતા હોય અને જાહેરમાં અપશબ્દો બોલીને ઠઠ્ઠા મશ્કરી કરીને જાહેરમાં નિર્લજ વર્તન કરતા હોય ત્યાં હાજર પોલીસ સ્ટાફ દ્વારા કલમ ૧૧૦ અને ૧૧૭ મુજબ સંજય ગીગાભાઇ બતાળા જાતે ભરવાડ (૨૪) ધંધો દૂધનો વેપાર રહે.ખોડીયાર સોસાયટી નાની વાવડી તા.જી.મોરબી, મોતીભાઈ બાબુભાઈ બતાળા જાતે ભરવાડ (૨૧) ધંધો પશુપાલન રહે.ખોડીયાર સોસાયટી નાની વાવડી તા.જી.મોરબી અને કુલદીપસિંહ ચંદ્રસિંહ જાડેજા જાતે દરબાર (૨૦) ધંધો ખેતી રહે.નાની વાવડી તા.જી.મોરબી મૂળ રહે.તારાણા તા.જોડીયા જી.જામનગર સામે ગુનો નોંધીને ત્રણેયની ધરપકડ કરવામાં આવી હતી.
એસીડ પી જતા સારવારમાં
મોરબીના વીસીપરામાં કુલીનગર શેરી નંબર-૧ માં રહેતા ફકીરભાઈ હાજીભાઈ સંધિ નામના ૪૨ વર્ષના યુવાને તેના ઘેર કોઈ અગમ્ય કારણોસર એસિડ પી લેતા સારવાર માટે સિવિલે ખસેડવામાં આવ્યો હતો અને બનાવને પગલે હાલમાં બી ડિવિઝન પોલીસ મથકના હિતેશભાઈ મકવાણા દ્વારા બનાવના કારણ અંગે આગળની તપાસ શરૂ કરવામાં આવેલ છે. તેમજ મોરબીના હળવદ રોડ ઉપર નીચી માંડલ ગામે રહેતી હેતલબેન દિલીપભાઈ સોલંકી નામની ૧૬ વર્ષીય યુવતી કોઈ અગમ્ય કારણોસર ફીનાઇલ પી જતા તેણીને સારવાર માટે મોરબી ખસેડવામાં આવી હતી જેથી કરીને તાલુકા પોલીસ દ્વારા બનાવ અંગે નોંધ કરીને બનાવના કારણ અંગે આગળની તપાસ હાથ ધરવામાં આવેલ છે.જયારે મોરબીના લખધીરપુર રોડ ઉપર એન્ટિક સીરામીક પાસેના હોલીસ સિરામિક નજીક રહેતી નંદીનીકુમારી શિવકુમાર અરેબાન નામની ૨૧ વર્ષીય પરપ્રાંતિય મહીલાએ અગમ્ય કારણોસર દવા પી લેતા તેણીને સારવાર માટે ખસેડવામાં આવી હતી.
