મોરબીમાં પાલિકાનો ઢોર પકડવાનો કોન્ટ્રાકટ માત્રા બીલ બનાવવા કે ભ્રષ્ટાચાર માટે ?: રમેશભાઈ રબારી
Morbi Today
માળીયા(મી)નાં પિપળીયા ચાર રસ્તા પાસે આવેલ ઝેરી ધુમાડા ઓકતા કારખાનને બંધ કરવા મામલતદારને રજૂઆત
SHARE
JOIN OUR GROUP
માળીયા(મી)નાં પિપળીયા ચાર રસ્તા પાસે આવેલ ઝેરી ધુમાડા ઓકતા કારખાનને બંધ કરવા મામલતદારને રજૂઆત
માળીયા તાલુકાનાં પિપળીયા ચાર રસ્તાથી સરવડ ગામ વચ્ચે આવેલા કારખાનામાં પ્લાસ્ટીક તથા વાહનોના ટાયર ઓગાળવાનો તથા નવા ટાયરો બનાવવાની કામગીરી કરવામાં આવે છે જેથી કરીને તેમાથી ઝેરી ધુમાડાઓ સતત ઉડતા હોય છે જે લોકોને તેમજ ખેતીના પાકને નુકશાની કરે છે જેથી કરીને આ કારખાનામાં ફેરફાર કરવામાં આવે અથવા તો તેને સીલ કરવામાં આવે તેવી માંગ સરદારનગર આગેવાન દ્વારા કરવામાં આવી છે અને આ મુદે માળીયાના મામલતદારને લેખિતમાં રજૂઆત કરવામાં આવી છે
માળીયા તાલુકાનાં સરદારનગર (સરવડ) ગામે રહેતા કૌશિકકુમાર એસ. લોદરીયાએ માળીયાના મામલતદારને લેખિતમાં રજૂઆત કરીને વાતાવરણ પ્રદુષણ કરતી ફેકટરીનો પ્લાન્ટમાં ફે૨ફાર કરાવવા અથવા સંપુર્ણ સીલ કરવાની માંગ કરેલ છે તેમણે કરેલી રજૂઆતમાં જણાવ્યુ છે કે, માળીયા-જામનગ૨ હાઈવેની મધ્યમાં પિપળીયા ચાર રસ્તા અને સરવડ ગામનું લોકેશન આવે છે ત્યાં બોસ રબ્બર નામની ફેકટરી આવેલી છે જેમાં પ્લાસ્ટીક તથા વાહનોના ટાયર ઓગાળવાનો તથા નવા ટાયરો બનાવવાની કામગીરી કરવામાં આવે છે જેથી ઝેરી ધુમાડાઓ સતત ઉડતા હોય છે માટે વાહન ચાલકો સહિતનાને ગુંગળામણનો અનુભવ થાય છે પરંતુ કાયમી વસવાટ કરતાં લોકોને ભારે મુશકેલીનો સામનો કરવા પડી રહ્યો છે જેમાં પિપળીયા, સરવડ, ચાંચાવદરડા, તરઘરી, મહેન્દ્રગઢ, મોટાભેલા વગેરે ગામડાઓ આવે છે તે લોકોની હાલત શું થતી હશે તે પ્રશ્ન છે આ ધુમાડાથી શ્વાસોશ્વાસની ક્રિયા વખતે ગુંગળામણ અનુભવતા હોય છે અને બિમાર લોકો, પ્રેગનન્ટ મહીલાઓ, બાળકો સહિતના લોકોને હેરાન થવું પડે છે ત્યારે પીપળીયા ગામે કારખાનાની નજીકમાં જ આઈ.ટી.આઈ કેન્દ્ર શરૂ કરવામાં આવેલ છે ત્યા અભ્યાસ અર્થે આવતા બાળકોની શુ હાલત થતી હશે ? ખેડૂતોના ખેતીના પાકને કેટલું નુકશાન થતું હશે ? આવા અનેક સવાલો છે ત્યારે સતત પ્રદૂષણ ઓકતા કારખાનામાં ફેરફાર કરવામાં આવે અથવા તો તેને સીલ કરવામાં આવે તેવી માંગ કરવામાં આવી છે
