વાંકાનેરમાં નોંધાયેલ લેન્ડ ગ્રેબીંગના ગુનામા આરોપીની ધરપકડ સામે હાઇકોર્ટનો સ્ટે
Morbi Today
મોરબીમાં વૃદ્ધના હાથમાંથી થેલીની ચીલ ઝડપ કરનારા બે આરોપી જેલ હવાલે: એક બાળ સુધારણા ગૃહમાં મુકાયો
SHARE
JOIN OUR GROUP
મોરબીમાં વૃદ્ધના હાથમાંથી થેલીની ચીલ ઝડપ કરનારા બે આરોપી જેલ હવાલે: એક બાળ સુધારણા ગૃહમાં મુકાયો
મોરબી શહેરના સામાકાંઠા વિસ્તારમાં આવેલ કુબેર સિનેમા પાસેથી થોડા દિવસો પહેલા વૃદ્ધ પોતાના હાથમાં કપડાની થેલીમાં રોકડા રૂપિયા અને કેબિનની ચાવી મૂકીને જતાં હતા ત્યારે અજાણ્યા શખ્સે તેની પાસે રહેલ રોકડા રૂપિયા ભરેલ થયેલી ઝૂંટવી લીધી હતી જેથી કરીને વૃદ્ધ દ્વારા મોરબી સીટી બી ડિવિઝન પોલીસ સ્ટેશન ખાતે ૧.૭૫ લાખ રૂપિયા રોકડા તેમજ કેબીનની ચાવીની થેલીની ચોરી થયાની ફરિયાદ નોંધાવવામાં આવી હતી જેના આધારે પોલીસે બે આરોપીને પકડ્યા હતા તેને હાલમાં જેલ હવાલે કરવામાં આવેલ છે
મોરબીમાં ત્રાજપર ધાર વિસ્તારમાં રહેતા દેવજીભાઈ નાગજીભાઈ ગણેશિયા (૬૫) થોડા દિવસો પહેલા પોતાના ઘરેથી કેબિન તરફ જઈ રહ્યા હતા અને ત્યારે તેના હાથમાં કપડાની થેલી હતી જેમાં રોકડા રૂપિયા ૧.૭૫ લાખ તેમજ દુકાનની ચાવી હતી આ થેલી અજાણ્યા શખ્સ દ્વારા આંચકીને ઝૂંટવી લેવામાં આવી હતી અને થેલી લઈને તે નાસી ગયો હતો જેની દેવજીભાઈએ મોરબી સીટી બી ડિવિઝન પોલીસ સ્ટેશન ખાતે ફરિયાદ નોંધવી હતી જેના આધારે પોલીસે આ ગુનામાં સાગરભાઈ રાજેશભાઈ આગેચાણીયા કોળી (૨૪) રહે.ત્રાજપર ધાર વિસ્તાર કુબેર ટોકીઝ પાછળ મોરબી-૨ અને શંકરભાઇ ભરતભાઇ ઉપસારીય કોળી (૧૮) રહે.નવા ધરમપુર તા.મોરબી વાળાની ધરપકડ કરેલ હતી જે બંને આરોપીઓને કોર્ટમાં રજૂ કરીને જેલ હવાલે કરવામાં આવેલ છે અને આ આરોપીઓની સાથે કાયદાના સંઘર્ષમાં આવેલ બાળ કિશોર પણ સંડોવાયેલ હતો જેને હાલમાં રાજકોટ ખાતે બાળ સુધારણા ગૃહમાં મોકલવામાં આવેલ છે તેવું બી ડિવિઝનના પીઆઇ પી.એ. દેકાવાડિયાએ જણાવ્યુ છે
