હળવદના ફ્રેન્ડ્સ યુવા સેવા ગ્રુપ દ્વારા વેસ્ટમાંથી બેસ્ટ રાખડી સ્પર્ધાનું આયોજન કરવામાં આવેલ છે.આગામી ૨૨ ઓગસ્ટના રોજ રક્ષાબંધનના પર્વ નિમિતે હળવદના ફ્રેન્ડ્સ યુવા સેવા ગ્રુપ કે જે છેલ્લા ઘણા વર્ષોથી સેવાકીય પ્રવૃત્તિમાં જોડાયેલું છે અને છેલ્લા ચાર વર્ષથી દરવર્ષે વેસ્ટમાંથી બેસ્ટ રાખડી સ્પર્ધાનું આયોજન કરે છે તેના દ્રારા ચાલુ વર્ષે પણ વેસ્ટમાંથી બેસ્ટ રાખડી સ્પર્ધાનું આયોજન કરવામાં આવેલ છે જે માટે અગાઉ રજિસ્ટ્રેશન કરાવવું ફરજિયાત છે.વધુમાં ગ્રુપના પ્રમુખ દ્વારા જણાવાયું છે કે આગામી ગુરૂવારના રોજ સવારે ૯ થી ૧૦-૩૦ સુધી આ કાર્યક્રમ યોજાનાર છે જેમાં ધો.૩ થી ૮ ની બાળાઓ ભાગ લઇ શકશે અને ૧ થી ૧૦ માં નંબર લાવનારને પ્રોત્સાહિત ઇનામ તેમજ ભાગ લેનાર તમામને ઇનામ આપવામાં આવશે.સ્પર્ધા તા.૧૯-૮ ને ગુરૂવારે ઔદીચ્ય બ્રાહ્મણની ભોજનશાળા હળવદ ખાતે સવાર ૯ થી ૧૦-૩૦ યોજાશે.રજીસ્ટ્રેશન માટે મો.૯૫૮૬૮ ૮૪૪૬૨, ૭૭૭૮૮ ૦૦૦૬૪ અથવા ૯૪૨૯૧ ૬૨૮૬૦ ઉપર સંપર્ક કરવા યાદીમાં જણાવાયેલ છે.