મોરબીના પંચાસર ગામે વાડીમાં બે શખ્સોએ આગ લગાવીને ૯૦૦ મણ તૈયાર એરંડાનો પાક સગાવી નાખ્યો !
Morbi Today
ટંકારાના હરીપર ભુતકોટડા ગામે રીવર્સમાં આવતા ટ્રેક્ટરની હડફેટે ચડી જતાં પાંચ વર્ષના બાળકનું મોત
SHARE
JOIN OUR GROUP
ટંકારાના હરીપર ભુતકોટડા ગામે રીવર્સમાં આવતા ટ્રેક્ટરની હડફેટે ચડી જતાં પાંચ વર્ષના બાળકનું મોત
ટંકારા તાલુકાના હરીપર ભુતકોટડા ગામે ટ્રેકટરને રીવર્સમાં લેવામાં આવતું હતું ત્યારે પાછળ રહેલ બાળકને સાયકલ સહિત ટ્રેક્ટર ચાલકે અડફેટે લીધો હતો જેથી ઈજા પામેલ પાંચ વર્ષના બાળકને સારવારમાં ખસેડાયો હતો અને તેનું સારવાર દરમિયાન મોત નીપજયું હતું હાલમાં અકસ્માતના બનાવમાં મૃતક બાળકના પિતાએ ટ્રેક્ટર ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે ટંકારા તાલુકાના હરીપર ભુતકોટડા ગામે રહેતા ધર્મેન્દ્રભાઈ જાદવજીભાઈ ઢેઢી જાતે પટેલ (ઉંમર ૪૫) એ પરબતભાઈ ઓધવજીભાઈ ભાગિયા જાતે પટેલ રહે. હરીપર ભુતકોટડા વાળાની સામે ફરિયાદ નોંધાવી છે જેમાં તેમણે જણાવ્યું છે કે, ગત તા. ૨૦/૩/૨૦૨૨ ના રોજ સાંજના સાડા સાત વાગ્યાના અરસામાં તેનો દીકરો કવન (ઉંમર ૫) સાઇકલ લઇને પોતાના ઘર પાસે રમતો હતો ત્યારે આરોપી પરબતભાઈ ઓધવજીભાઈએ પોતાના હવાલા વાળું ટ્રેક્ટર ટોલી સહિત રિવર્સમાં લીધું હતું અને ત્યારે રિવર્સમાં ટ્રેક્ટર લેતા સમયે તેને કવનને હડફેટે લીધો હતો જેથી કરીને તેને ગંભીર ઇજાઓ થઇ હોવાથી કવનને તાત્કાલિક સારવાર માટે ખસેડવામાં આવ્યો હતો અને સારવાર દરમિયાન કવનનું મોત નીપજયું હતું જેથી કરીને મૃતક બાળકના પિતા ધર્મેન્દ્રભાઈ જાદવજીભાઈએ ફરિયાદ નોંધાવતાં પોલીસે પરબતભાઈ ઓધવજીભાઈની સામે ટંકારા તાલુકા પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરેલ છે
