મોરબીની અવધ સોસાયટીમાં મંદિરના પ્રાંગણમાં રક્ત ચંદન સહિતના વૃક્ષોમાં તોડફોડ

સામન્ય રીતે કોઈ મંદિર કે મકાન દુકાનમાં ચોરી કે તોડફોડ કરવામાં આવી હોય તેવું સામે આવ્યું હોય છે જો કે, મોરબીની અવધ સોસાયટીમાં આવેલા મંદિરના પ્રાંગણમાંથી અજાણ્યા શખ્સ દ્વારા રક્ત ચંદન સહિતના વૃક્ષોમાં તોડફોડ કરવામાં આવી છે જેથી સ્થાનિક લોકોએ મોરબી એ ડિવિઝન પોલીસને આ બનવાની જણા કરી છે

જાણવા મળતી માહિતી મુજબ મોરબીની અવધ સોસાયટીમાં રામજી મંદિર આવેલ છે જેમાં સ્થાનિક લોકોએ રક્ત ચંદન સહિતના અનેક ઔષધીય વૃક્ષોનું વાવેતર કર્યું હતું અને તેનું જતન કરીને વૃક્ષનો ઉછેર કરવામાં આવી રહ્યો હતો દરમ્યાન કોઈ અજાણ્યા માણસ દ્વારા રામજી મંદિરમાં પ્રવેશ કરીને વૃક્ષોમાં તોડફોડ કરવામાં આવેલ છે અને ગત તા. ૨૭ માર્ચના રોજ વહેલી સવારે મંદિરના પ્રાંગણમાં રક્ત ચંદન સહિતના વૃક્ષને તોડતો શખ્સ સીસીટીવી કેમેરામાં કેદ થઈ ગયેલ છે જેથી કરીને સોસાયટીના લોકોએ મોરબી એ ડિવિઝન પોલીસમાં તેની લેખિત અરજી ફરિયાદ કરેલ છે અને તેની સામે કડક પગલાં લેવાની માંગ કરેલ છે