મોરબીના નવા સાદુળકા પાસે કારખાનાના કવાર્ટરમાં સગીરાએ ફાંસો ખાઈને કર્યો આપઘાત

મોરબી નજીકના નવા સાદુળકા ગામ પાસે આવેલ કારખાનાની અંદર રહેતા અને મજૂરી કામ કરતા મજૂરની સગીર વયની દીકરીએ તેના લેબર કવાર્ટરની અંદર ગળાફાંસો ખાઇને આપઘાત કરી લીધો હતો જેથી કરીને આ બનાવની મોરબી તાલુકા પોલીસને જાણ કરવામાં આવતા પોલીસે મૃતદેહને પીએમ માટે હોસ્પિટલ ખસેડીને બનાવની નોંધ કરી આગળની કાર્યવાહી હાથ ધરે છે

બનાવની જાણવા મળતી વિગત પ્રમાણે મોરબી નજીકના નવા સાદુળકા ગામ પાસે આવેલ શિવ શક્તિ ઇન્ડસ્ટ્રીઝના લેબર કવાર્ટરની અંદર રહેતા અને ત્યાં મજૂરી કામ કરતા આમીચંદભાઈ ભીલની ૧૬ વર્ષની દીકરી સીમાબેને લેબર કવાર્ટરની અંદર કોઈ કારણોસર ગળાફાંસો ખાઇને આપઘાત કરી લીધો હતો આ બનાવની મોરબી તાલુકા પોલીસને જાણ કરવામાં આવતા પોલીસ ઘટનાસ્થળે પહોંચી હતી અને મૃતક સગીરાના મૃતદેહને પીએમ માટે ખસેડવામાં આવ્યો હતો હાલમાં મોરબી તાલુકા પોલીસે બનાવની નોંધ કરીને આગળની તપાસ શરૂ કરેલ છે જોકે પોલીસ પાસેથી જાણવા મળતી વિગતો પ્રમાણે હજુ સુધી સગીરાએ કયા કારણોસર આપઘાત કર્યો છે તેની નક્કર માહિતી સામે આવેલ નથી