મોરબી પોલીસ હેડ કવાર્ટર ખાતે સ્વૈચ્છિક રક્તદાન કેમ્પ યોજાયો

કચ્છ મોરબી રેન્જના આઇજી ચિરાગ કોરડીયા તથા એસપી મુકેશ પટેલની સુચના તેમજ ડીવાયએસપી કે.પી. પરમારના માર્ગદર્શન હેઠળ પોલીસ હેડ કવાર્ટર ખાતે “સેવા મેરા યોગદાન" સ્કિમ અંતર્ગત રકતદાન કેમ્પનુ આયોજન કર્યું હતું જેમાં ડીવાયએસપી કે.પી. પરમાર અને વિરલ દલવાડી સહિતના અધિકારીઓએ અને પોલીસ કર્મચારીઓ દ્વારા સ્વૈચ્છિક રક્તદાન કરવામાં આવ્યું હતું. આ કેમ્પમાં 76 બોટલ રક્ત એકત્રિત કર્યું હતું અને તે રક્ત સિવિલ હોસ્પીટલે સારવાર લેવા માટે આવતા જરૂરીયાતમંદ દર્દીઓને આપવામાં આવશે. આ કેમ્પ જી.એમ.ઇ.આર.એસ. મેડીકલ કોલેજ અને જનરલ હોસ્પીટલ મોરબીના સહયોગથી કરવામાં આવેલ હતો. અને તમામે સ્વૈચ્છિક રકતદાન માટેની પ્રતિજ્ઞા લીધી હતી.