મોરબીની સ્પેશ્યલ પોકસો કોર્ટમાં ચાલી ગયેલ દુષ્કર્મના કેસમાં આરોપીને 10 વર્ષની સજા
SHARE
JOIN OUR GROUP
મોરબીની સ્પેશ્યલ પોકસો કોર્ટમાં ચાલી ગયેલ દુષ્કર્મના કેસમાં આરોપીને 10 વર્ષની સજા
મોરબીના ગ્રામ્ય વિસ્તારમાં રહેતા પરિવારની સગીર દીકરીનું અપહરણ કરવામાં આવ્યું હતું અને તેની સાથે શરીર સંબંધ બાંધીને દુષ્કર્મ આચરવામાં આવ્યું હતું જેની ફરિયાદ આધારે પોલીસે આરોપીની ધરપકડ કરી હતી અને આ કેસ મોરબીની સ્પેશ્યલ પોકસો કોર્ટમાં ચાલી ગયો હતો જેમાં કોર્ટે આરોપીને 10 વર્ષની સખ્ત કેદની સજા અને 25 હજારના દંડનો હુકમ કર્યો છે.
આ કેસની સરકારી વકીલ પાસેથી મળતી માહિતી મુજબ વર્ષ 2020 મોરબી તાલુકા વિસ્તારમાં રહેતા પરિવારની સગીર દીકરીનું અપહરણ કરવામાં આવ્યું હતું અને ત્યાર બાદ તે સગીરાની સાથે વારંવાર શરીર સંબંધ બાંધી જાતીય હુમલો કરવામાં આવેલ હતો જેથી મોરબી તાલુકા પોલીસ સ્ટેશનમાં દુષ્કર્મ સહિતની કલમ હેઠળ ગુનો નોંધીને પોલીસે આરોપીની ધરપકડ કરી હતી અને આ કેસ મોરબીની સ્પેશ્યલ પોકસો કોર્ટમાં જિલ્લાના સ્પેશ્યલ પોકસો જજ અને એડીશનલ સેશન્સ જજ સમક્ષ ચાલી ગયો હતો જેમાં જિલ્લાના મદદનીશ સરકારી વકીલ એન.ડી.કારીઆએ કરેલી દલીલો તેમજ રજૂ કરેલા 9 મૌખિક તેમજ 19 દસ્તાવેજી પુરાવાઓને ધ્યાને લઈને કોર્ટે આરોપી સંજય રાણાભાઇ સોલંકી (32)ને 10 વર્ષની સખત કેદની સજા તેમજ જુદીજુદી કલમ હેઠળ કુલ મળીને 25 હજારનો દંડ ફટકાર્યો છે. અને હાલમાં આરોપી ગુનાના કામે જેલમાંથી જામીન પર મુક્ત છે જો કે, અગાઉ કાચા કામના કેદી તરીકે ભોગવેલ સજા તેને મજરે આપવાનો હુકમ કર્યો છે.
