હળવદના ડુંગરપુર ગામે પ્રેમ લગ્ન કરનાર બહેનને ભાઈએ આપી જાનથી મારી નાખવાની ધમકી

મોરબીના પીપળી ગામ પાસે આવેલ શિવ પાર્ક સોસાયટીમાં રહેતી પરણીતાએ પ્રેમ લગ્ન કરેલા હોય તે પોતાના વતન ડુંગરપુર ગામે તેના પતિ સાથે કારમાં ગઈ હતી ત્યારે પરણીતાના ભાઈએ તેને ગાળો આપી હતી અને જાનથી મારી નાખવાની ધમકી આપી હતી જેથી ભોગ બનેલ મહિલાએ હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે

મૂળ હળવદ તાલુકાના ડુંગરપુર ગામના રહેવાસી અને હાલમાં મોરબીના પીપળી ગામ પાસે આવેલ શિવપાર્ક સોસાયટીમાં રહેતા લતાબેન અનિલભાઈ આકરીયા (27)એ હળવદ તાલુકા પોલીસ સ્ટેશન ખાતે અશ્વિન હનુભાઈ વિઠલાપરા રહે. ડુંગરપુર વાળાની સામે ફરિયાદ નોંધાવેલ છે જેમાં જણાવ્યુ છે કે, તેઓએ સાતેક વર્ષ પહેલા અનિલભાઈ આકરિયા સાથે પ્રેમ લગ્ન કરેલ છે અને તે બાબતનો ખાસ રાખીને તેઓના મોટાભાઈ આરોપી અશ્વિનભાઈએ તા. 9/7 ના રોજ સવારના દસેક વાગ્યાના અરસામાં ફરિયાદી તથા તેમના પતિ કાર લઈને ડુંગરપુર ગામે આવ્યા હતા ત્યારે લાકડાના ધોકો લઈને ત્યાં આવીને ફરિયાદી તથા તેના પતિને ગાળો આપી હતી અને જાનથી મારી નાખવાની ધમકી આપી હતી જેથી ભોગ બનેલ મહિલાએ નોંધાવેલ ફરિયાદ આધારે પોલીસે મહિલાના ભાઈની સામે ગુનો નોંધી પોલીસે આગળની કાર્યવાહી કરી છે.

વૃદ્ધ સારવારમાં

વાંકાનેર તાલુકાના લૂણસર ગામે રહેતા પ્રેમજીભાઈ રતનસીભાઈ ગઢીયા (72) નામના વૃદ્ધે કોઈ કારણોસર પોતે પોતાના ઘરે અનાજમાં નાખવાની ટીકડીઓ ખાઈ લીધી હતી જેથી તેને સારવાર માટે મોરબીની મંગલમ હોસ્પિટલે લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરવામાં આવી હતી

મારામારીમાં ઇજા

વાંકાનેર તાલુકાના ભાયાતી જાંબુડીયા ગામે રહેતા દાનસિંગ ગુલસિંગ નીનામા (40) નામના યુવાનને કોઈ કારણોસર ગામમાં થયેલ મારામારીના બનાવમાં ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે