માળીયા કચ્છ હાઇવે રોડ ઉપર બોલેરો ગાડીના ચાલકે હડફેટે લેતા મહાસતીજી સહિત કુલ બે વ્યક્તિને ઇજા થતાં સારવારમાં

મોરબી કચ્છ હાઇવે રોડ ઉપર આવેલ માળિયા પોલીસ ચોકીથી આગળના ભાગમાં મહાસતીજી સાથે સેવક મહિલા પસાર થઈ રહ્યા હતા દરમિયાન બોલેરો ગાડીને ચાલકે બંનેને હડફેટે લેતા અકસ્માતનો બનાવ બન્યો હતો જે બનાવમાં મહાસતીજી સહિત બે વ્યક્તિઓને ઈજા થઈ હોવાથી તેઓને સારવાર માટે લઈ ગયા હતા અને હાલમાં ઇજાગ્રસ્ત મહિલાના દીકરાએ નોંધાવેલ ફરિયાદ આધારે પોલીસે બોલેરો ગાડીના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

ગાંધીધામ ખાતે સુંદરપુરી ઇકોની બાજુમાં રહેતા નરેશકુમાર નરસીભાઈ મકવાણા (37)એ બોલેરો પિકઅપ ગાડી નંબર જીજે 19 વાય 7762 ના ચાલક સામે માળિયા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, મોરબી કચ્છ નેશનલ હાઈવે રોડ ઉપરથી તેઓના માતા રતનબેન તથા મહાસતીજી સ્મૃતિબાઈ સ્વામી પસાર થઈ રહ્યા હતા દરમિયાન બોલેરો ગાડીના ચાલકે બેફિકરાઈથી પોતાનું વાહન ચલાવ્યું હતું અને પાછળથી ફરિયાદીના માતા તથા મહાસતીજીને હડફેટે લીધા હતા જેથી અકસ્માતનો બનાવ બન્યો હતો આ બનાવમાં ફરિયાદીના માતા સહિત બંનેને ઈજા થઈ હોવાથી તેને સારવાર માટે હોસ્પિટલે લઈ ગયા હતા અને હાલમાં આ બનાવ સંદર્ભે ઇજાગ્રસ્ત મહિલાના દીકરાએ નોંધાવેલ ફરિયાદ આધારે પોલીસે બોલેરો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

અકસ્માતમાં ઇજા
અંજારના વિજયનગરમાં સરકારી હોસ્પિટલની સામેના ભાગમાં રહેતા નટુભાઈ વેલુભા રાઠોડ (65) એ હાલમાં માળીયા મીયાણા તાલુકા પોલીસ સ્ટેશન ખાતે ટ્રેલર નંબર આરજે 7 જીઈ 4817 ના ચાલક સામે ફરિયાદ નોંધાવેલ છે જેમાં જણાવ્યું છે કે કચ્છ મોરબી નેશનલ હાઈવે રોડ ઉપર હરીપર ગામના પાટીયા પાસેથી મોરબી તરફ જવાના રસ્તા ઉપરથી તેઓ પોતાની બલેનો કાર નંબર જીજે 12 એફબી 6259 ને લઈને જઈ રહ્યા હતા ત્યારે ટ્રેલરના ચાલકે પાછળથી કારમાં પોતાનું વાહન અથડાવ્યું હતું જેથી અકસ્માતનો બનાવ બન્યો હતો અને આ બનાવમાં ફરિયાદીને કરોડરજ્જુના ભાગે ઇજાઓ થઈ હોવાથી તેને સારવાર માટે હોસ્પિટલે લઈ ગયા હતા અને આ બનાવ સંદર્ભે હાલમાં વૃદ્ધ એડવોકેટે નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે