વાંકાનેરમાં રિક્ષામાં પેસેન્જર બેસાડવા બાબતે યુવાન સાથે ઝઘડો કરીને ત્રણ શખ્સોએ પાઇપ વડે માર માર્યો

વાંકાનેરમાં જકાતનાકા રિક્ષા સ્ટેન્ડ પાસે યુવાન પોતાની રિક્ષામાં પેસેન્જર બેસાડતો હતો તે બાબતે એક શખ્સની સાથે બોલાચાલી અને જપાજપી થઈ હતી ત્યારબાદ તેને ગાળો આપવામાં આવી હતી અને અન્ય બે શખ્સો ત્યાં લોખંડના પાઇપ સાથે આવ્યા હતા અને યુવાનને વાસ તથા જમણા પગમાં પાઇપ મારીને ફેક્ચર જેવી ઇજા કરી હતી જેથી ઈજા પામેલ યુવાનને સારવાર માટે હોસ્પિટલે લઈ ગયા હતા અને ત્યારબાદ તેને નોંધાવેલ ફરિયાદ આધારે પોલીસે હાલમાં ત્રણ શખ્સો સામે ગુનો નોંધી આરોપીઓને પકડવા માટે તજવીજ શરૂ કરેલ છે

વાંકાનેરમાં આવેલ પેડક સોસાયટી હાથીખાના શેરી ખાતે રહેતા દીપકભાઈ કાનાભાઈ ધેણોજા (35) એ હાલમાં ફિરોજ મુસા, અકબર મુસા અને સાહિલ મુસા રહે.ત્રણેય વાંકાનેર વાળા સામે ફરિયાદ નોંધાવેલ છે જેમાં તેને જણાવ્યું છે કે વાંકાનેર મોરબી હાઇવે રોડ ઉપર જકાતનાકા રીક્ષા સ્ટેન્ડ પાસે તેઓ પોતાની રિક્ષામાં પેસેન્જર બેસાડતા હતા તે બાબતે તેને ફિરોજ મુસા સાથે બોલાચાલી અને જપાજપી થઈ હતી અને ત્યારે આરોપીએ તેને ગાળો આપી હતી ત્યારબાદ અકબર મુસા અને સાહિલ મુસા લોખંડના પાઇપ સાથે ત્યાં આવ્યા હતા અને ત્યાં ફરિયાદીનો કાંઠલો પકડીને તેને પાઇપ વડે વાસા અને જમણા પગના ભાગે માર મારીને ફેક્ચર જેવી ઈજા કરી હતી જેથી ઈજા પામેલા યુવાનને સારવાર માટે હોસ્પિટલે લઈને આવ્યા હતા અને ત્યાર બાદ યુવાને નોંધાવેલ ફરિયાદ અત્યારે પોલીસે હાલમાં ત્રણ શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે