હળવદ તાલુકામાં બાળક સાથે સૃષ્ટિ વિરુદ્ધનું કૃત્ય આચરનારા આરોપીને કોર્ટે ફટકારી 20 વર્ષની સખ્ત કેદની સજા

હળવદ તાલુકામાં 9 વર્ષના સગીર બાળકને કપડા અને બુટની લાલચ આપીને બાઈકમાં બેસાડીને લઈ જવામાં આવ્યો હતો અને ત્યાર બાદ તેની સાથે સૃષ્ટિ વિરુદ્ધનું કૃત્ય કર્યું હતું જે કેસ મોરબીની સ્પેશ્યલ પોક્સો કોર્ટમાં ચાલી ગયો હતો જેમાં જિલ્લાના મદદનીસ સરકારી વકીલની દલીલ અને આધાર પુરાવાઓને ધ્યાને લઈને કોર્ટે આરોપીએ 20 વર્ષની સખ્ત કેદની સજા અને દંડ કર્યો છે.

આ કેસની મળતી માહિતી મુજબ ફરિયાદીના 9 વર્ષના સગીર દીકરાને આરોપીએ કપડા અને બુટ આપવાની લાલચ આપી હતી અને ત્યાર બાદ બાઈકમાં બેસાડીને તેને આરોપી લઈ ગયો હતો અને બાળવાની જાળીમાં તેની સાથે સૃષ્ટિ વિરુદ્ધનું કૃત્ય કર્યું હતું જેથી કરીને હળવદ તાલુકા પોલીસ સ્ટેશને ફરિયાદ નોંધાયેલ હતી. જે ગુનામાં પોલીસે આરોપી અક્ષય રમેશભાઈ દેગામા રહે. ચીખલી તાલુકો માળિયા વાળાની ધરપકડ કરી હતી અને આ કેસ સ્પેશ્યલ પોક્સો કોર્ટમાં એડીશનલ સેસન્સ જજ સાહેબની  સમક્ષ ચાલી ગયો હતો જેમાં જિલ્લાના મદદનીસ સરકારી વકીલ એન.ડી. કારીઆએ કરેલ દલીલ અને રજૂ કરેલ 12 મૌખિક તેમજ 29 દસ્તાવેજી પુરાવાઓને ધ્યાને લઈને કોર્ટે આરોપી અક્ષય રમેશભાઈ દેગામાને 20 વર્ષની સખ્ત કેદની સજા અને 4 હજારનો દંડ કર્યો છે તેમજ વિકટીમ કંપન્સેશન સ્કીમ હેઠળ 4 લાખ રૂપિય અને આરોપી દંડની રકમ ભારે તો તેના સહિતની રકમ વળતર પેટે ચુકવવા હુકમ કર્યો છે.