ટંકારાના હીરાપર ગામ પાસે રીક્ષાને કાર ચાલકે હડફેટે લેતા બે મહિલા સહિત ત્રણને ઇજા: ગુનો નોંધાયો
Morbi Today
મોરબીના મહેન્દ્રનગર ગામે રહેતા પરિવારની દીકરીની સગાઈ છૂટી કરવાની વાત આવતા ચિત્રોડી ગામે વાડીની ઓરડીમાં ઝેરી દવા પીને કર્યો આપઘાત
SHARE
JOIN OUR GROUP
મોરબીના મહેન્દ્રનગર ગામે રહેતા પરિવારની દીકરીની સગાઈ છૂટી કરવાની વાત આવતા ચિત્રોડી ગામે વાડીની ઓરડીમાં ઝેરી દવા પીને કર્યો આપઘાત
મોરબીના મહેન્દ્રનગર પાસે આવેલ હરિઓમ સોસાયટીમાં રહેતા પરિવારની દીકરી તથા દીકરાની સગાઈ ચિત્રોડી ગામે રહેતા પરિવારના દીકરા અને દીકરી સાથે સામ સામી કરવામાં આવી હતી અને તે સગાઈ છૂટી કરવાની વાત આવી હતી જેથી મોરબી ખાતે રહેતા પરિવારની દીકરીને સગાઈ છૂટી કરવી ન હોય તેને મનોમન લાગી આવ્યું હતું જેથી તે દીકરીએ ચિત્રોડી ગામ પાસે આવેલ તેઓની વાડીની ઓરડીમાં ઝેરી દવા પી લીધી હતી જેથી તેને સારવારમાં લઈ ગયા હતા અને ત્યાં તેનું સારવાર દરમિયાન મોત નીપજયું હતું જેથી આ બનાવની હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
મૂળ હળવદ તાલુકાના ચિત્રોડી ગામના રહેવાસી અને હાલમાં મોરબીની મહેન્દ્રનગર ચોકડી પાસે આવેલ હરિ ઓમ સોસાયટીમાં રહેતા ધીરુભાઈ રાઠોડ (52)ની દીકરી કિંજલબેન ધીરુભાઈ રાઠોડ (21)એ ઝેરી દવા પી લીધી હતી જેથી કરીને તે યુવતીને સારવાર માટે હોસ્પિટલે ખસેડવામાં આવી હતી અને ત્યાં ચાલુ સારવાર દરમિયાન તેનું મોત નીપજ્યું હતું જેથી આ બનાવની મૃતક યુવતીના પિતા ધીરુભાઈ રાઠોડ દ્વારા હળવદ તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી.
વધુમાં પોલીસ પાસેથી મળતી વિગત પ્રમાણે મૃતક કિંજલબેન તથા તેના ભાઈ કરણની સગાઈ કોઈબા ગામે રહેતા દિલુભાઈ ચૌહાણના દિકરા અને દીકરી સાથે સામસામે કરવામાં આવી હતી અને સગાઈ છૂટી કરવાની વાત થતા કિંજલબેનને સગાઈ કરેલ દીકરો ગમતો હોવાથી તેને છૂટું કરવું ન હતું અને તે બાબતે તેને મનોમન લાગી આવતા પોતે પોતાની જાતે ઝેરી દવા પી લીધી હતી જેથી તેને સારવારમાં લઈ ગયા હતા જો કે, તેનું સારવાર દરમિયાન મોત નીપજયું હતું જેની પોલીસે નોંધ કરીને આગળની કાર્યવાહી કરેલ છે.
