મોરબીમાં લખધીરપુર રોડ નજીક નેશનલ હાઈવે રોડ ઉપર અજાણ્યા ટ્રક ડમ્પરના ચાલકે હડફેટે લેતા યુવાનનું મોત

વાંકાનેર મોરબી હાઇવે રોડ ઉપર લખધીરપુર રોડની સામેના ભાગમાં નેશનલ હાઈવે રોડ ઉપરથી પસાર થતાં ટ્રક ડમ્પરના ચાલકે યુવાનને હડફેટે લેતા અકસ્માતનો બનાવ બન્યો હતો જે બનાવમાં ઇજા પામેલા યુવાનનું મોત નીપજ્યું હતું જેથી અકસ્માતના બનાવ સંદર્ભે મૃતક યુવાનના ભાઈની ફરિયાદ લઈને પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મૂળ મધ્યપ્રદેશના રહેવાસી આશિષભાઈ ભાગીરથભાઈ અહીરવાલ (25)એ અજાણ્યા ટ્રક ડમ્પરના ચાલક સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે મોરબીના લખધીરપુર રોડની સામેના ભાગમાં નેશનલ હાઈવે રોડ ઉપર વાંકાનેરથી મોરબી તરફ જવાના રસ્તા ઉપર તેમના ભાઈ સતિષભાઈ પસાર થઈ રહ્યા હતા ત્યારે અજાણ્યા ટ્રક ડમ્પરના ચાલકે તેનું વાહન બેદરકારીથી ચલાવ્યું હતું અને ફરિયાદીના ભાઈને હડફેટે લઈને અકસ્માત કર્યો હતો જે બનાવમાં ફરિયાદીના ભાઈ સતિષભાઈને બંને પગમાં તથા શરીરે ગંભીર ઇજા થઈ હતી જેથી તેનું મોત નીપજયું હતું જે બનાવ સંદર્ભે હાલમાં મૃતક યુવાનના ભાઈએ નોંધાવેલ ફરિયાદ આધારે પોલીસે અકસ્માત સર્જીને નાસી છૂટેલા ટ્રક ડમ્પરના ચાલક સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે