હળવદના કવાડિયા ગામે ઘરમાંથી પ્રતિબંધિત 48 ચાઈનીઝ ફીરકીઓ મળી, આરોપીની શોધખોળ
Morbi Today
થાનથી ફ્રેકચરનો પાટો બદલવા મિત્ર સાથે વાંકનેર આવતા યુવાનના બાઈકને ટ્રેક્ટર ચાલકે હડફેટે લેતા અકસ્માત
SHARE
JOIN OUR GROUP
થાનથી ફ્રેકચરનો પાટો બદલવા મિત્ર સાથે વાંકનેર આવતા યુવાનના બાઈકને ટ્રેક્ટર ચાલકે હડફેટે લેતા અકસ્માત
થાન વાંકાનેર રોડ ઉપર આવેલ કાછિયાગાળા ગામ પાસેથી ડબલ સવારી બાઈક પસાર થઈ રહ્યું હતું ત્યારે તે બાઇકને ટ્રેકટર ચાલકે હડફેટે લેતા અકસ્માતનો બનાવ બનેલ હતો જે બનાવમાં બાઈક ઉપર જઈ રહેલા બંને યુવાનોને શરીરે ગંભીર ઇજા થઇ હતી જેથી તેને સારવાર માટે લઈ ગયા હતા અને આ બનાવમાં ઇજા પામેલા યુવાને સારવાર બાદ નોંધાવેલ ફરિયાદ આધારે પોલીસે ટ્રેક્ટર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
થાનમાં નવાવાસ આંબેડકરનગર-4 વિટકો પોટરી ખાતે રહેતા અને મજૂરી કામ કરતા રસિકભાઈ દેવાભાઈ દેગડા (37)એ ટ્રેક્ટર નંબર જીજે 36 એએલ 8864 ના ચાલક સામે ફરિયાદ નોંધાવેલ છે જેમાં જણાવ્યુ છે કે, તેઓને જમણા પગમાં ફ્રેક્ચર થયેલ હોય પાટો બદલાવા માટે ફરિયાદના બાઇક ઉપર તેના મિત્ર કમલેશભાઈ સાથે વાંકાનેર તરફ આવી રહ્યા હતા દરમિયાન કાછિયાગાળા ગામ નજીક તેઓના બાઈક નંબર જીજે 13 એઇ 1675 ને ટ્રેકટરના ચાલકે હડફેટે લીધું હતું અને અકસ્માત કર્યો હતો જે બનાવમાં ફરિયાદીને માથા, છાતી તથા ડાબા પગના ઢીંચણના ભાગે ગંભીર ઇજા થઈ હતી જો કે, તેના મિત્ર કમલેશભાઈને બંને હાથ, છાતી અને ડાબા પગમાં ઈજા થઇ હોવાથી ઇજાગ્રસ્ત બંને યુવાનોને સારવાર માટે હોસ્પિટલમાં લઈને આવ્યા હતા અને ત્યારબાદ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
યુવાન સારવારમાં
મોરબીમાં શક્તિ ચેમ્બરની પાછળના ભાગમાં આવેલ ઉમિયાનગર વિસ્તારમાં રહેતા નવીનભાઈ વજાભાઈ બારોટ (35) નામનો યુવાન લખધીરપુર રોડ પર દરિયાલાલ પ્લાઝા પાસેથી પસાર થઇ રહ્યો હતો ત્યારે રીક્ષા પલટી મારી જવાના કારણે અકસ્માત થયો હતો જે બનાવમાં યુવાનને ઇજા થતાં તેને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી છે
