મોરબી જિલ્લામાં વિચરતી વિમુક્ત જાતિના પ્રશ્નોનો નિકાલ કરવા આગેવાનો દ્વારા રજૂઆત કરાઇ
Morbi Today
મોરબીમાં રીવાયડિંગની દુકાનમાંથી 1.98 લાખના મુદામાલની ચોરીના ગુનામાં રાજકોટના બે શખ્સની ધરપકડ
SHARE
JOIN OUR GROUP
મોરબીમાં રીવાયડિંગની દુકાનમાંથી 1.98 લાખના મુદામાલની ચોરીના ગુનામાં રાજકોટના બે શખ્સની ધરપકડ
મોરબી નજીક આવેલ પટેલ ચેમ્બર કોમ્પ્લેક્સમાં રીવાયડિંગની દુકાનને નિશાન બનાવીને ત્યાંથી 280 કિલો નવો કોપર વાયર, અન્ય સો કિલો નવો વાયર, 60 કિલો કોપર વાયરનો ભંગાર, 12 ઇલેક્ટ્રીક મોટર તેમજ ટ્રાન્સફોર્મર તથા સીસીટીવી કેમેરા અને ડીવીઆર સહિત કુલ મળીને 1.98 લાખથી વધુની કિંમતના મુદ્દામાલની ચોરી કરવામાં આવી હતી જે ગુનામાં એલસીબીની ટીમે હાલમાં બે આરોપીની ધરપકડ કરેલ છે અને કુલ મળીને 64700 નો મુદામાલ કબ્જે કરેલ છે.
મોરબીના કેનાલ રોડ ઉપર આવેલ રામકો બંગલો પાછળ ગજાનંદ પાર્ક તુલસીશ્યામ એપાર્ટમેન્ટ બ્લોક નંબર 301 માં રહેતા મનીષભાઈ રામજીભાઈ મેરજા (40)એ અજાણ્ય શખ્સની સામે મોરબી બી ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ હતી જેમાં જણાવ્યું હતું કે, મોરબીના લખધીરપુર રોડ ઉપર આવેલ પટેલ ચેમ્બર કોમ્પ્લેક્સમાં દુકાન નંબર-4 માં ન્યુ પટેલ રીવાઇડીંગ નામની તેઓની દુકાન આવેલી છે તેને તસ્કરે નિશાન બનાવી હતી અને દુકાનનું શટર ઉચ્ચકાવીને નીચેથી દુકાનમાં પ્રવેશ કર્યો હતો અને ત્યાર બાદ દુકાનમાંથી ઈલેક્ટ્રીક મોટર રીપેરીંગ માટે રાખવામા આવેલ 280 કિલો નવો કોપરનો વાયર, સબમર્સીબલ મોટરનો નવો 100 કિલો વાયર, કોપર વાયરનો 60 કિલો ભંગાર, 12 ઈલેક્ટ્રીક મોટરની બોડી, એક ઈલેક્ટ્રીક પાવર ટ્રાન્સફર કરવા માટેનું ટ્રાન્સફોર્મર, દુકાનમાં લગાવે સીસીટીવી કેમેરા અને તેનું ડીવીઆર આમ કુલ મળીને 1,98,200 ની કિંમતના મુદ્દામાલની ચોરી કરવામાં આવે છે જેથી ભોગ બનેલ વેપારીએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવી હતી
જે ગુનાની તપાસ સ્થાનિક પોલીસ અને એલસીબીની ટીમ દ્વારા કરવામાં આવી રહી હતી તેવામાં એલસીબીની ટીમને મળેલી બાતમી આધારે મોરબીના ધરમપુર રોડ ઉપર વોચ રાખવામાં આવી હતી ત્યારે મળેલ બાતમી મુજબની જૂની નંબર પ્લેટ વગરની છકડો રીક્ષા ત્યાંથી પસાર થઈ રહી હતી જે રીક્ષાને રોકીને પોલીસ દ્વારા રિક્ષાને ચેક કરવામાં આવતા રિક્ષામાંથી 100 કિલો તાંબાનો વાયર મળી આવ્યો હતો જેથી 39,700 રૂપિયાની કિંમતનો વાયર તથા 25,000 રૂપિયાની રીક્ષા આમ કુલ મળી 64,700 ની કિંમતનો મુદ્દામાલ કબજે કરવામાં આવ્યો છે અને આરોપી સંજય ઉર્ફે અભલો ગીરીશભાઈ સોલંકી તથા સંજય ઉર્ફે સંજલો શંભુભાઈ ડાભી રહે. બંને રાજકોટ વાળાની ધરપકડ કરી હતી અને બંને આરોપીઓને આગળની તપાસ માટે બી ડિવિઝન પોલીસ સ્ટેશન ખાતે સોંપવામાં આવેલ છે. આ કામગીરી એલસીબીના પીઆઇ એમ.પી.પંડ્યાની સૂચના મુજબ સ્ટાફ દ્વારા કરવામાં આવી હતી.
