મોરબી : દારૂના ગુનામાં સંડોવાયેલ ઇસમ પાસા તળે ભાવનગર જેલ હવાલે
Morbi Today
મોરબીના બરવાળા નજીક ટ્રક પાછળ રીક્ષા ઘૂસી જતા યુવાનનું મોત
SHARE
JOIN OUR GROUP
મોરબીના બરવાળા નજીક ટ્રક પાછળ રીક્ષા ઘૂસી જતા યુવાનનું મોત
મોરબીના નવલખી હાઇવે ઉપર બરવાળા ગામ પાસે અકસ્માત બનાવ બન્યો હતો.જેમાં રોડ ઉપર બંધ થઈને ઉભેલા ટ્રકની પાછળ છકડો રીક્ષા ભટકાતા લીલાપર ગામના યુવાનનું મોત નિપજેલ છે.
મોરબી તાલુકા પોલીસ સૂત્રોમાંથી મળતી માહિતી પ્રમાણે લીલાપર ગામનો પીન્ટુભાઇ માનસિંગભાઈ હળવદિયા નામનો ૩૦ વર્ષનો યુવાન તા.૧૭-૬ ના સવારે નવેક વાગ્યે પોતાની છકડો રીક્ષા લઈને જતો હતો તે દરમિયાનમાં મોરબી તાલુકાના બરવાળા ગામ નજીક કોઈ કારણોસર ટ્રકની પાછળ છકડો રીક્ષા અથડાઇ હતી.આ અકસ્માત બનાવમાં પીન્ટુભાઇ હળવદિયાનું ઘટના સ્થળે મોત થયુ હતું.જેથી ૧૦૮ વડે તેના ડેડબોડીને પીએમ માટે અત્રેની સિવિલ હોસ્પિટલે લાવવામાં આવ્યુ હતુ. બનાવની જાણ તાલુકા પોલીસમાં કરવામાં આવતા તાલુકા પોલીસ મથકના સી.કે.પઢિયાર દ્વારા નોંધ કરીને તપાસ કરવામાં આવી હતી અને તેઓ પાસેથી મળતી માહિતી પ્રમાણે ટ્રક બંધ થયો હતો અને તે સમય દરમિયાન જ પાછળ છકડો રીક્ષા અથડાઈ હતી.આ બનાવમાં પીન્ટુભાઇ હળવદિયાનું મોત થયેલ છે અને હાલ મૃતકના પરિવારજનોની ફરિયાદ લેવા તજવીજ શરૂ કરાયેલ છે.
વાહન અકસ્માતમાં ઈજા
હળવદ ધાંગધ્રાની વચ્ચે આવેલા સોલડી ગામે રહેતો રાજ રસિકભાઈ ઠાકોર (૧૬) નામનો યુવાન વાડીએથી બાઈકમાં ઘરે આવતો હતો ત્યારે રસ્તામાં માધવ પેટ્રોલ પંપ પાસે બાઈકમાંથી પડી જતા ઈજા થતા સારવારમાં લવાયો હતો.જ્યારે મોરબી રવાપર રોડ કાલિકા પ્લોટ વિસ્તારમાં રહેતા અનિલભાઈ પ્રવીણભાઈ ગણેશીયા નામના ૩૦ વર્ષના યુવાનને સામાકાંઠે નટરાજ ફાટક નજીક મારામારીના બનાવમાં ઈજા થતા સારવારમાં લઈ જવાયો હતો.તેમ પોલીસે જણાવેલ છે.
યુવાન-બાળક સારવારમાં
હળવદના રાયસંગપુર ગામે સ્વામિનારાયણ મંદિર પાસે રહેતો અક્ષય વિરજીભાઈ દલવાડી નામનો ૨૫ વર્ષનો યુવાન ઘરેથી વાડી તરફ જતો હતો ત્યાં રસ્તામાં બાપાસીતારામ મઢુલી ચાડધ્રાના રસ્તે બાયક આડે અચાનક કૂતરું આડુ ઉતરતા તે પડી ગયો હતો જેથી ઇજા થતા અત્રેની શિવમ હોસ્પિટલે સારવાર માટે લાવવામાં આવ્યો હતો.જ્યારે વાંકાનેરના વીરપર ગામે બહુચર માતા મંદિર પાસે રહેતા પરિવારનો ઘેલાભાઈ ખોડાભાઈ દેકાવાડિયા નામનો ૧૧ વર્ષનો બાળક બાઇક પાછળ બેસીને જતો હતો ત્યારે ભીમગુડા ચોકડી પાસે રસ્તામાં ઢોર આડુ ઉતરતા બાઈક સ્લીપ થવાનો બનાવ બન્યો હતો.જેમાં તેને ઈજા થતાં સારવાર માટે અત્રેની શિવમ હોસ્પિટલએ લવાયો હતો.
